Ким Жон Ун агаарын цэргийн сургуулилалтыг удирдан явуулав
БНАСАУ-ын Төрийн зөвлөлийн дарга Ким Жон Ун Агаарын цэргийн хүчин ба Агаарын довтолгооноос хамгаалах ангиудын цэргийн нэгдсэн сургуулилалтыг удирдан явуулжээ. Энэ тухай даваа гарагт Солонгосын мэдээний төв агентлаг дамжууллаа.
Удирдагч ажиглалтын постод зочлон бэлтгэл сургуулилалтын төлөвлөгөөтэй биечлэн танилцахын зэрэгцээ онгоц буух чиглэлийг удирдаж байсан гэж уг мэдээнд тэмдэглэжээ. Мөн байлдааны нисэгчдийн бэлтгэлд сэтгэл хангалуун байгаагаа илэрхийлж, тэднийг" зоригтой, найдвартай, жинхэнэ дайчид "гэж нэрлэжээ.
Дасгал сургуулилалтыг энэ мэтчилэн гэнэтийн байдлаар дүрэм, журмыг дагаж мөрдөхгүй, хамгийн хүнд нөхцөлд жинхэнэ тулалдаанд ойрхон хийхийг даалгасан байна. "Энэ сургуулилалт нь Солонгосын Ардын армийн анги нэгтгэлүүдийн бэлэн байдлыг нэмэгдүүлэх, цэрэг дайчдыг хатуужуулах ёстой" гэж БНАСАУ-ын удирдагч ярьжээ.
