Хөдөлмөр, халамжийн үйлчилгээний ерөнхий газрын мэдээллээр нийгмийн халамжийн сангаас энэ оны эхний арван сард 437.9 мянган хүнд 246.6 тэрбум төгрөгийн тэтгэвэр, тэтгэмж олгожээ. Ингэснээр олгосон тэтгэвэр тэтгэмжийн хэмжээ энэ онд 125.8 тэрбум төгрөгөөр нэмэгдсэн байна. Ийнхүү нэмэгдэхэд “0-3 хүртэлх насны хүүхэд асарсны тэтгэмж болон жирэмсэн эхийн тэтгэмж” авсан хүний тоо 3.2 дахин, олгосон тэтгэмжийн хэмжээ 8.0 дахин өссөн нь голлон нөлөөлжээ.
Дашрамд дурдахад, энэ оны эхний аравдугаар сард 18 хүртэлх насны 988.3 мянган хүүхдэд 189.4 тэрбум төгрөгийг хүүхдийн мөнгөн тэтгэмж болгон олгосон байна.
