“Евро 2020” Хөлбөмбөгийн Европын АШТ-ий урьдчилсан шатны тоглолтууд өнгөрсөн шөнө болж өнгөрсөн. Бид эдгээр тоглолтуудын дараах байдлаар ямар, ямар баг шигшээ тэмцээнд оролцох эрхээ аваад байгаа талаарх мэдээллийг хүргэж байна.
БЕЛЬГИ
-ОУХХ-ны чансааг тэргүүлэгч
-Урьдчилсан шатны найман тоглолтдоо бүгдэд нь хожиж, 30 гоол оруулж, ганцыг л алдсан.
-Хамгийн түрүүнд эрхээ авсан.
ИТАЛИ
-Найман тоглолтоос найман хожил авсан.
-Торгуулийн цохилтоос оруулсан гоолоор /4/ бүх багуудыг тэргүүлж байгаа.
-Дараалан хожсон бүх цаг үеийн дээд амжилтаа эвдэхэд нэг л хожил хэрэгтэй болоод буй.
ОХУ
-Долоон тоглолт дараалан хожиж, түүхийнхээ шилдэг амжилтыг давтсан.
-Довтлогч А.Дзюба нь гоол-дамжуулалт үзүүлэлтээр бүх тоглогчдыг тэргүүлж байгаа /9 гоол+5 дамжуулалт/.
-Шинэ зуунд тивийнхээ АШТ-ий шигшээ тэмцээнийг алгасч байгаагүй
ПОЛЬШ
-Тивийнхээ АШТ-ий шигшээ тэмцээнд дөрөв дэхээ дараалан оролцох гэж байна.
-Гэхдээ үүнээс өмнө нь нэг ч удаа оролцож байгаагүй.
-Найман тоглолтод хаалгандаа хоёр гоол л алдсан.
-13 гоолынхоо 10-ыг нь тоглолтын хоёрдугаар үед оруулсан.
УКРАИН
-Түүхэндээ анх удаа хэсгийн шатнаас шууд эрхээ авч оролцож байна.
-Польштой адил, сорилгод хоёр л гоол алдсан.
-ЕАШТ шигшээ тэмцээнд гоол оруулсан цорын ганц тоглогч болох А.Шевченко шигшээ багийг дасгалжулж буй.
ИСПАНИ
-ЕАШТ-ий сорилгод 2014 оны аравдугаар сараас хойш хожигдоогүй.
ТУРК
-Толгойгоороо оруулсан гоолын тоогоор /8/ Италийн хамт бүх багуудыг тэргүүлж байгаа.
-Хаалгач Мерт Гюнок нь долоон тоглолтод хаалгаа хуурай манасан нь Т.Куртуатай л зэрэгцэх амжилт.
-Дасгалжуулагч Шенол Гюнеш нь өмнө нь шигшээ багаа дасгалжуулан 2002 оны ДАШТ-ээс хүрэл медаль хүртэж байсан шилдэг мэргэжилтэн.
ФРАНЦ
-ЕАШТ-ий шигшээ тэмцээнд 1992 оноос хойш алгасалгүй орж байгаа.
-ЕАШТ-ий сорилгод 2010 оноос хойш талбайдаа хожигдож үзээгүй.
-Гоолын боломж үүсгэсэн тоогоор /36/ А.Гризманн нь бүх тоглогчдыг тэргүүлж байна.
АНГЛИ
-Өөрийн талбайд оруулсан гоолын тоогоор /21/ бүх багийг тэргүүлж байгаа.
-Довтлогч Харри Кейн нь дөрвөн удаа 11 м-ийн торгуулийн цохилтоос гоол оруулсан нь энэ удаагийн сорилгын дээд үзүүлэлт.
ЧЕХ
-Чехословакаас өрх тусгаарласнаас хойш “Евро”-г өнжиж байгаагүй.
-Одоогоор эрхээ авсан багуудтай харьцуулахад оруулсан, алдсан гоолын харьцаагаар хамгийн сүүлд бичигдэнэ /+3/.
-Сорилгод найм тоглохдоо тав хожжээ.