Шинэ төв цэвэрлэх байгууламж 2024 онд ашиглалтад орно
Шинэ төв цэвэрлэх байгууламжийн барилга угсралтын ажил ирэх 4 дүгээр сард эхэлнэ. Өнөөдрийн байдлаар биологи цэвэрлэгээний байгууламжийн хөрсний суурин ажлыг хийж дуусгажээ. Одоогоор өвлийн горимд шилжээд байгаа. Гэхдээ энэ хугацаанд зураг төсөл, барилгын ажлын төлөвлөлтийг хийж байна.
600 мянга хүн амын ахуйн бохир усыг цэвэрлэх төв цэвэрлэх байгууламж байгуулагдаад 55 жил болж байна. Хүн ам, үйлдвэрлэл нэмэгдэхийн хэрээр төв цэвэрлэх байгууламж ачааллаа дийлэхээ больж, шинэ төв цэвэрлэх байгууламж барих ажил 2012 оноос яригдаж эхэлсэн. 7 жил яригдсан шинэ төв цэвэрлэх байгууламжийн ажил энэ жил бодит ажил болох эхлэл нь тавигдаж, биологи цэвэрлэгээний суурин ажлыг хийж, тухайн ажлын с хэсгийн ул суурийн 1-р үеийн үеийн ажлыг гүйцэтгээд байна.
Шинэ цэвэрлэх байгууламж нь технологийн хувьд дэлхийнд өргөн хэрэглэгддэг а2о-ыг биологийн цэвэрлэгээнд хэрэглэнэ. А2о гэдэг нь бохир усан дахь элементийг цэвэрлэдэг юмб айан. Цэвэрлэх усанд гүн цэвэрлэгээ хийгдэнэ. Үүний дараа хэт ягаан туяагaар халдваргүйжүүлэлт явагдах юм байна. Энэ процесс нь бохир усыг 98-99 хувь цэвэрлэнэ гэж тэзү-р тооцоолжээ
Шинээр баригдаж байгаа Төв цэвэрлэх байгууламж нь 250 мянган метр куб лагийг цэвэрлэх хүчин чадалтай.Нийт 40 га талбайд явагдах төв цэвэрлэхийн байгууламжийг 300 сая ам, долларын өртөгөөр барина. Ингэхдээ 2 улсын хэлэлцээрийн хүрээнд 262.2 сая ам.долларыг БНХАУ-ын нэн хөнгөлөлттэй зээлээр авч байгаа. 20 жилийн хугацаатай Энэхүү зээл нь 2 хувийн хүүтэй. Эхний 7 жил хүүгүй юм. Эксим банкаар дамжин хөрөнгийн асуудал шийдэгдэнэ. Энэ сард зээлийн хэлэлцээр байгуулагдвал шинэ төв цэвэрлэх байгууламж барих төсөв орж ирэх юм байна. Ингээд ирэх хавар барилга угсралтын ажил эхэлж, 2023 онд барилгын ажил дуусан барилгын тухай хуулиар 1 жил туршаад 2024 онд улаанбаатар хот шинэ цэвэрлэх байгууламжтай болох юм.
