БНХАУ-ын цахим худалдааны тэргүүлэгч "Алибаба" групп жил бүрийн арваннэгдүгээр сарын 11-нд ганц биечүүдийн өдрөөр барааныхаа үнийг огцом хямдруулж хэрэглэгчдэд бэлэг барьдаг уламжлалтай. Энэ жилийн уламжлалт худалдаа 00 цагт эхэлснээс хойш нэг минут 36 секундийн дотор 10 тэрбум юанын худалдаа хийжээ. Өнгөрсөн онд хоёр минут 05 секундын дотор 10 тэрбумын худалдаа хийж байсан нь ийнхүү 30 секундээр урагшилсан байна.

Энэ жил "Алибаба" компани арваннэгдүгээр сарын 11-ний хөнгөлөлттэй худалдааг 11 дэх жилдээ зохион байгуулж байгаа нь энэ юм. Өнгөрсөн хугацаанд энэхүү хөнгөлөлттэй худалдаа дэлхийн худалдааны наадам боломж болж өргөжжээ. "Алибаба" компанийн тоо бүртгэлээс үзвэл, энэ жилийн худалдаанд 200 гаруй улс орон, бүс нутгийн 22 мянга гаруй брэнд Хятадын цахим худалдааны наадмын арга хэмжээнд оролцож байгаа гэнэ. Энэхүү цахим худалдааг 2009 онд анх зохион байгуулж, худалдааны хэмжээ 52 сая юаньд хүрч байсан бол 2018 онд 213 тэрбум 500 сая юаньд хүрсэн байна.