Сэтгүүл зүйн шилдэг бүтээлийн уралдаан зарлалаа

ХБНГУ, Австрали, БНСУ-ын улсын Засгийн газрын санхүүжилттэй Монгол Улсын Хөдөлмөр нийгмийн хамгааллын яам болон Германы Олон Улсын Хамтын ажиллагааны нийгэмлэг хамтран хэрэгжүүлж буй “Түншлэлд суурилсан техникийн болон мэргэжлийн боловсрол, сургалт” төслийн хүрээнд “Сэтгүүлчдийн нүдээр ур чадвартай залуус” сэдэвт шилдэг бүтээлийн уралдааныг сэтгүүл зүйн байгууллага, сэтгүүлчдийн дунд зарлалаа.

Уралдааны зорилго нь мэргэжлийн боловсрол, ажиллах хүчин, сургалтын байгууллага, орчны талаар зөв ойлголт, цогц мэдээлэл бүхий сэтгүүл зүйн бүтээл бэлтгэж олон нийтэд түгээх замаар ур чадвартай мэргэжилтэй ажиллах хүчний талаарх олон нийтийг үнэн бодит хүртээмжтэй мэдээллээр хангах юм.  

Бүтээлийн агуулга:

Мэргэжлийн боловсрол УР ЧАДВАР эзэмшихийн хэрэгцээ, ач холбогдол;
Ур чадвартай мэргэжил эзэмшиж байгаа залуусын сайн туршлага, түүх;
Мэргэжлийн боловсрол, сургалтын тогтолцоо улс орны хөгжилд бий болгох үнэт зүйл;
Мэргэжилтэй ажилтны хэрэгцээ, үнэлэмж;
Монголын эдийн засаг ба мэргэжил эзэмшсэн, ур чадвартай залуусын ирээдүй;

Бүтээл нь доорх шаардлагыг хангасан байх:

Сэтгүүл зүйн шаардлага:

Эх сурвалжийн түвшин, төрлийг аль болох бүрэн хамруулах;
Баримт, судалгааг бие дааж гүйцэтгэх;
Сэтгүүлчийн ёс зүйн зарчимд нийцсэн байх;
Мэргэжлийн боловсролын салбарыг сонирхогч хэн бүхэнд эерэг хандлага, туршлага болох бодит жишээтэй байх;

Бүтээлийн төрөл, хэлбэр:

Сонин, сэтгүүл, цахим хуудасны бүтээл

Сонин, сэтгүүлийн бүтээл нь А2 форматын 1/4 – ээс дээш хэмжээтэй байна.
Цахим хуудасны бүтээлийн тэмдэгт нь хамгийн багадаа 4500 байна.    

Радио, телевизийн нэвтрүүлэг

Нэвтрүүлэг нь 3 - 10 минутын хооронд байна. 

Бусад:

Бүтээлийг 2019 оны арваннэгдүгээр сарын 25 -наас өмнө телевиз, радио, сонин, сэтгүүл, цахим хуудаст нийтэлж, нэвтрүүлсэн байх;

Шалгаруулалт:

Уралдаанд ирүүлсэн бүтээлийг 2019 оны арваннэгдүгээр сарын 8-ны өдрөөс арванхоёрдугаар сарын 2-ны өдрийн 17:00 цаг хүртэл хүлээн авна.

Сэтгүүлчдийн бүтээлийг 2019 оны арванхоёрдугаар сарын 6-ны өдөр шалгаруулна.

Шагнал: өргөмжлөл, мөнгөн шагнал

Радио, телевизийн нэвтрүүлэг, Сонин, сэтгүүл, цахим хуудасны бүтээл:

1-р байр нэг: 1.000,000 төгрөг

2-р байр нэг: 500,000 төгрөг

3-р байр нэг: 300,000 төгрөг

Тусгай байр 2 бүтээл шалгаруулна.

Бүтээл хүлээн авах:

Бүтээлийг 2019 оны арванхоёрдугаар сарын 2-ны өдрийн 17:00 цаг хүртэл “Сэтгүүлч нийгмийн элч” ТББ-ын байранд, Утас: 91224046. [email protected] хаягаар хүлээн авна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)