Олон улсын дугуйн фестиваль “Гранфондо 2019” тэмцээний гурав дахь гараа БНХАУ-д өчигдөр бариалж, дүнгээ гаргалаа. Тэмцээний эрэгтэйчүүдийн ангилалд Монгол Улсын тамирчин Билгүүнжаргалын Эрдэнэбат түрүүлж, ОУХМ Б.Мягмарсүрэн удаалсан байна. Б.Мягмарсүрэн эхний хоёр гараанд түрүүлж, шар цамц эзэмшиж байсан ч сүүлийн гурав дахь гараанд Б.Эрдэнэбатыгаа дэмжиж уралджээ. Төгсгөлийн гурав дахь гараанд Э.Билгүүнжаргал 118 км замыг гурван цаг, долоон минут, 41 секундэд туулж түрүүлсэн байна. Манай тамирчин түрүүлснийхээ дараа өгсөн ярилцлагадаа “Багийн ажиллагаа сайн байсан учраас түрүүллээ. Б.Мягмарсүрэн намайг маш сайн дэмжиж урагш нь гаргасан” хэмээн ярьжээ. Б.Мягмарсүрэн нийлбэр дүнгээр хоёрт орсон байна. Харин эмэгтэйчүүдийн ангилалд Нидерландын Стегехуйс түрүүлж шар цамцаа хадгалсан байна.
Тэмцээн өнөөдөр завсарлаад маргааш Текчонгод ээлжит гараа болно. Энэ гараа тэмцээний хамгийн хол, хамгийн хүнд гараа юм.
“Юннань Гранфондо” нь 2014 оноос уламжлал болон зохион байгуулагдаж байгаа бөгөөд энэ жил Мангшигээс Лицзян хүртэл 650 км-ийн зайд явагдаж байгаа юм. Энэ жилийн тэмцээнд дэлхийн 36 орноос 1000 гаруй дугуйчин ирж уралдаж байгаа юм.
