Аллисон, Нойер, Эдерсон нар Европын шилдэг хаалгачид нэр дэвшлээ

Францын “France Football” сэтгүүл тивийн “Оны шилдэг хаалгач”-ид олгодог “Yachine Trophy” шагналын төлөө өрсөлдөх хаалгачдын нэрсийг зарлалаа.  

Өнгөрсөн улиралд гарамгай тоглож багтайгаа өндөр амжилтад хүрсэн Алиссон («Ливерпүүл»), Мануэль Нойер («Бавари»), Эдерсон («Манчестер Сити»), Андре Онана («Аякс»), Войчех Шченсны («Ювентус»), Ян Облак («Атлетико»), Кепа Аррисабалага («Челси»), Самир Ханданович («Интер»), Уго Льорис («Тоттенхэм»), Марк-Андре тер Стеген («Барселона») нарын хаалгачид уг жагсаалтад багтжээ.

Шагнал хүртсэн хаалгачийн нэрийг ирэх арванхоёрдугаар сарын 2-нд болох “Алтан бөмбөг” шагнало гардуулах ёслолын үеэр зарлаж, шагналыг гардуулна.

Европ тивийн шилдэг хаалгачид олгодог шагналыг ЗХУ-ын нэрт хаалгач Лев Яшины нэрэмжит болгосон байдаг. Лев Яшин бол Европын шилдэг хөлбөмбөгчөөр /1963 онд/ тодорсон цорын ганц хаалгач билээ.  


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)