ОХУ-ын иргэн машинтайгаа элсэнд суужээ

Дорнод аймгийн Чойбалсан сумын "Энгэр шанд" багийн Үзүүр толгой гэдэг газар Дорнод аймгийн Хэрлэн сумаас тус аймгийн Чойбалсан сумын нутагт орших “Хавирга" өртөөний боомтын чиглэлд зорчиж явсан ОХУ-ын харьяат иргэн В машинтайгаа элсэн суужээ. Түүний ОХУ-ын дугаартай, “Волво” загварын том оврын транзит тээврийн ачааны автомашиныг татаж гаргахаар Дорнод аймгийн Онцгой байдлын газрын Гал түймэр унтраах, аврах 52 дугаар ангийн 3 алба хаагч, 1 автомашинтай 50 минут ажилласан байна. Гэвч хүнд даацын автомашин элсэнд гүн шигдэж суусан учир татаж гаргахад хүндрэлтэй байснаар аврах ажиллагааг түр зогсоожээ. Өнөөдөр тус аймгийн Онцгой байдлын алба хаагчид ОХУ-ын иргэний машиныг татан гаргах ажиллагааг үргэлжлүүлэх юм байна.

 

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)