Ар Гүнтэд автобус онхолдож 4 хүн нас баржээ

Ар Гүнтийн зуслангийн замд 35-40 хүний багтаамжтай дунд оврын автобус онхолдож хүний амь эрсэдсэн харамсалтай хэрэг өнөөдөр гарчээ. Уг автобусанд Хууль зүй, дотоод хэргийн яамны харьяа Дотоод хэргийн их сургуулийн багш, ажилчид явсан бөгөөд ослын улмаас 4 хүн газар дээрээ нас барсан байна. Одоогийн байдлаар ослын газарт цагдаагийн болон эмнэлгийн алба хаагчид ажиллаж байна. Өнөөдөр төвийн болон зүүн зүгийн нутгаар нойтон цас орж, халтиргаа гулгаа үүссэнээс замын хөдөлгөөнд хүндрэл үүсч байгаа аж. Тиймээс замын хөдөлгөөнд анхаарал болгоомжтой оролцохыг замын цагдаагийн газраас жолооч нарт анхааруулж байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)