Зургаан настай хүүхэд орон сууцны цонхоор унах гэж байхад нь аварчээ
Зургаан настай охин орон сууцны цонхоор унах гэж байсныг Аврах ангийнхан аварчээ. Энэ сарын 13 буюу бямба гарагт Баянгол дүүргийн VII хороонд 5 давхар орон сууцны барилгын хоёрдугаар давхрын цонхоор бага насны хүүхэд унах гээд байна гэсэн дуудлага онцгой байдлын газрын шуурхай утсанд 18.25 цагт ирсэн байна.
Нийслэлийн Онцгой байдлын газрын Аврах ангийн найман алба хаагч, хоёр автомашинтай 18.41 цагт очиход тус байрны оршин суугч иргэн М-ийн С /6 настай, эмэгтэй/ цонхны тавцан дээр зогсож байжээ. Албан хаагчид хүүхдийг тавцангаас буулган ар гэрийнхэнд нь хүлээлгэн өгчээ.
Иймд, бага насны хүүхдэдээ анхаарч, хараа хяналтаа сайжруулахыг анхааруулж байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.