Италийн шигшээ баг хөлбөмбөгийн Европын аварга шалгаруулах тэмцээний урьчилсан тэмцээний хүрээнд өнгөрсөн шөнө Гректэй тоглож 2:0-ээр буулгаж авлаа. Энэ хожлыг авснаар Италийн баг Европын аварга шалгаруулах шигшээ тэмцээнд оролцох эрхээ авсан байна. Мөн найм дараалж хожсон нь сүүлийн 81 жилд гараагүй амжилт болжээ.

Италичууд хамгийн сүүлд 1938 онд Витторио Поццогийн үед есөн тоглолт дараалан хожиж байсан аж.