Норвегийн эрх баригчид НАТО-гийн хэрэгжүүлж буй “Пуужингийн хамгаалалт” төсөлд нэгдэхээс татгалзжээ. НАТО уг төслийн хүрээнд Европ дахь гишүүн улсуудынхаа газар нутагт Ballistic Missile Defence (BMD) хэмээх пуужингаас эсэргүүцэн хамгаалах систем сууриулуулж байгаа аж.
Энэ төслийг НАТО 2000-аад оны дундуур эхлүүлсэн бөгөөд Норвег улс уг системийг АНУ-ын пуужингаас эсэргүүцэн хамгаалах системийн нэг хэсэг гэж үзэж байснаас нэгдэхгүй гэдгээ илэрхийлдэг байж. Гэсэн ч 2010 онд “ОХУ-ын эсрэг чиглэсэн биш” гэдэг агуулгаар сурталчилсаар нэгдэх шийдвэр гаргасан юм байна. Гэхдээ үнэн хэрэгтээ ОХУ-аас болгоомжилсондоо л нэгдсэнийг тухайн үед байгуулсан нууц гэрээ нь гэрчилдэг аж. Норвег улс 2017 оноос уг гэрээнд нэгдэж, газар нутагтаа пуужин эсэргүүцэх систем байрлуулна хэмээн заасан байж. Өөрөөр хэлбэл, ОХУ-ын түрэмгийллээс болгоомжилсны үндсэн дээр нэгджээ. Харин одоо мөн л Москва-Ослогийн харилцаа хүйтрэхээс болгоомжилсондоо төслөөс гарч байгаа аж.
