Ё.Баатарбилэг: Төв номын сан, ДБЭТ, УДЭТ-ын барилгыг буулгах саналаа татна

Засгийн газар соёл урлагийн зарим газруудын хуучирсан барилгыг нурааж шинээр барихаар төлөвлөсөн. Үүнийхээ дагуу 2020 оны төсвийн төсөлд Төв номын сан, ДБЭТ, УДЭТ-ын барилгад 12 тэрбум төгрөг суулгасан. Гэвч олон нийтийн зүгээс түүх соёлын өв болсон барилгуудаа нураах гэлээ хэмээн шүүмжилсэн. Мөн АН-ын зүгээс үүнийг эсэргүүцэж байгаагаа илэрхийлсэн. Тус намын УИХ дахь зөвлөлийн дарга Д.Эрдэнэбат “Улаанбаатар хотод 16 баганат барилга бий. Багана бол өрх гэрийн тулгуур болдог зүйл. Үүнийг бэлэгдэж Улаанбаатар хотын барилгуудыг баганатай барьсан. Тиймээс соёлын өв болсон баганат барилгуудыг нураахыг эсэргүүцэж байна. Эдгээр барилгыг хүчитгэж сайжруулах замаар засварлах боломжтой. Орчин үеийн гоё барилга барих нэрээр түүхийн өв соёлыг устгахыг эсэргүүцэнэ. У.Хүрэлсүхийн Засгийн газар энэ тухай тогтоолоо цуцлахыг шаардаж байна. Хэрэв цуцлахгүй бол Цэцэд хандана. Соёлын өв болсон барилгуудыг нурааж шинээр барилга барихад 546 тэрбум төгрөг зарцуулахаар төлөвлөж, ирэх оны төсөвт 138.9 тэрбум төгрөг суулгасан байна. Энэ мэтээр бодлогогүй, үр дүнгүй зарцуулалтуудыг хянах ёстой” гэсэн юм.

Дээрх шүмжлэлүүдтэй холбогдуулан салбарын яам нь энэхүү шийдвэрээсээ буцаж байгаа юм байна. Тодруулбал, Боловсрол, соёл, шинжлэх ухаан, спортын сайд Ё.Баатарбилэг өнөөдөр Байгалийн түүхийн музейд ажиллахдаа энэ талаар байр сууриа илэрхийллээ. Тэрээр “2020 оны төсвийн төсөлд Төв номын сан, ДБЭТ, УДЭТ-ын барилгад 12 тэрбум төгрөг суулгасан. Одоо энэ улстөржилт хэрээс хэтэрч, соёлын байгууллагуудын хөрөнгө оруулалтыг зогсоохоос өөр аргагүй боллоо. Би Сангийн сайд болон Төсвийн байнгын хорооны даргад өнөөдөр санал хүргүүлэх тухай бичиг өгч байна. Энэ 12 тэрбум төгрөгийг боловсрол, соёл, шинжлэх ухаан, спортын салбарын тулгамдсан асуудалд шилжүүлж өгөөч гэсэн саналыг хүргүүлж байна. Би энэ саналаа Ерөнхий сайд, Засгийн газарт танилцуулна” гэлээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (6)

  1. Хуучин барилгуудынхаа бүгдэнгийн дээврийг шинэчилмээр байна.

    0 0 Хариу бичих
  2. Zuv Icheech

    0 0 Хариу бичих
  3. Зөв eр нь уран барилгын үнэт дурсгал Монголд дэлхийн алдарт доорийн баганат архитeктураар баригдсан хосгүй түүхэн дурсгал юм. Цаашид уран сайханы байгууламж барихдаа өөр газар ЗӨНДӨӨ байгаа шүү

    0 0 Хариу бичих
  4. Нэг их тунисан амьтан, Хариуцсан ажил нь юм байгаа биз дээ. Төсвийн хөрөнгөөр Барилга барих бизнесийг нь унагаалаа гээд тунирхаад байгаа юм уу хаашаа юм.

    2 0 Хариу бичих
  5. horongo oruulalt gej tuuh soeliin barilgaa nuraaj mongo oldoggui yum aa.E.Baatarbileg ee. Uls tor gej shunalaa bieluuleh heregsel baih esguig Baatarbileg ,Hurelsuh nar daiya aa. Tegj l ih shine muzei baiguulah geed baigaa yum bol eronhiilogchiin bosgoj baigaa Maidar hotdoo baiguulchival deer bizdee . Ugui dee olon ulsiin niseh buudlaa tuhsiglj bii boloh daguul hotdoo ch barij bolno sh dee. Barih mongo ni baigaa yum bol barih gazar haa saigui baina. zaaval tuuh,soeloo ustgah gej mongo zarah hereg yun. Bur boldoggui yum bol UB-iin shine horoolol boloh yaarmagt barigdaj baigaa horoolold ch muzei barij bolno.Iluudehgui ee. Ene asuudlaar zasgiin gazriin shiid garsan bizdee.Hurelsuh ta nariig udlaa geed zagnaj zandchaad sur uzuuleegui biluu?! ta tsutsalchih hereg uu!!!

    1 0 Хариу бичих
  6. 2020 оны сонгуулиас өмнө театруудыг нурааж амжихгүйгээ мэдсэн үү?

    0 0 Хариу бичих