Төрийн соёрхолт Ч.Лхамсүрэнгийн “Хүрэн морь" найраглалаас сэдэвлэн жүжигчин, найруулагч Г.Эрдэнэбилэг найруулсан “Хийморь” уран сайхны кино Оскарт нэр дэвших эрхээ авчээ. Тодруулбал, “Three Flames”, “Nomadia”, “Belgute” pictures хамтын бүтээл уг кино нь өмнө нь ХБНГУ-ын “Oldenburg filmfestival”аас “Spirit of cinema award” шагнал хүртэж, одоо “San Diego International Film Festival”-д өрсөлдөж байна.
Монголчуудын ахуй соёл, монгол морины хийморь монгол эрийн сүр сүлдтэй хэрхэн холбогддог тухай өгүүлэх уг киноны зохиолыг 2016 онд бичиж, 2017, 2018 оны хооронд зураг авалтаа хийж, 2019 оны нэгдүгээр сарын 5-нд үзэгчдийн хүртээл болсон. "Хэдийгээр олон улсын баг хамтарч бүтээсэн боловч “Хийморь” кино цэвэр монгол бүтээл гэж онцолмоор байна" хэмээн тиус киноны найруулагч, жүжигчин Г.Эрдэнэбилэг нээлтийн үеэр онцолсон байдаг.
Киноны гол дүрд 10 настай хүү Э.Ариунболд, Ардын жүжигчин, П.Цэрэндагва, Д.Мэндбаяр, дүрүүдэд Соёлын тэргүүний ажилтан Ц.Цэрэнболд, Н.Ялалт, Э.Тодгэрэл, Г.Эрдэнэбилэг, OXУ-н гавьяат жүжигчин Василий Мищенко,Казахстан улсын ардын жүжигчин Айдос Бектемир,Казахстан улсын гавьяат жүжигчин Нурлан Алимжанов нарын жүжигчид тогложээ.
