Хүнс, хөдөө аж ахуй, хөнгөн үйлдвэрийн Дэд сайд Ж.Сауле тэргүүтэй тус яамныхан Өвөрхангай аймагт ажиллаа. Энэ удаа өвөлжилтийн болон мах бэлтгэлийн явцтай газар дээр нь танилцаж үүрэг чиглэл өгчээ.
Хүнс, хөдөө аж ахуй, хөнгөн үйлдвэрийн Дэд сайд Ж.Сауле Өвөрхангай аймаг дахь дулааны болон үйлдвэрийн аргаар мах бэлтгэх “Дэлхийн хүнс” ХХК, “Өв эко мийт” ХХК, “Дээжийн өргөө” ХХК-ны мах бэлтгэлийн явцтай танилцсан юм.
Өвөрхангай аймгийн хэмжээнд Адуу-3351, Үхэр-3720, Тэмээ-142, Хонь-21044, Ямаа-9131 толгой малаас, Бод-7213, бог-30175 нийт 37388 толгой мал зах зээлд борлуулаад байна. Одоогоор тус аймгийн “Өв-Эко Мийт” ХХК 2500 гаруй үхэр нядалгаанд оруулж, 150 тонн орчим мах бэлтгэснээс 100 тонн мах “Дэлхийн хүнс” боловсруулах үйлдвэрт нийлүүлээд байна. Сарлагийн махны гарц 120кг-аас доош жинтэйг 1кг-г нь 6000, харин махны гарц 120кг-аас дээш жинтэйг 1кг-г 6500 төгрөгөөр, Монгол үхэр махны гарц 120кг –аас доош байвал 1кг-г нь 5000 төгрөг, махны гарц -120кг-аас дээш байвал 1кг-г нь 5500 төгрөгөөр худалдан авч байна. Махны үйлдвэрт төлөг 75,0-80,0 мянган төгрөг, адууны махыг 1кг-г нь 5800 төгрөг, ямааг амьдаар нь 80,0-120,0 төгрөгөөр худалдан авч байна.
“Дэлхийн мах” ХХК-ны гүйцэтгэх захирал Н.Гансүх “2019 оны эхнээс үйл ажиллагааг явуулж бодын 300 тонн, богийн 50 тонн махыг бэлтгэн нийлүүлсэн байна. Цаашид махны экспортыг хийх асуудлыг Монгол Улсын Засгийн газраас шийдвэрлэвэл хуулийн дагуу гадны зах зээлд бүтээгдэхүүнээ гаргах боломж байна” гэдгийг онцолсон юм.
