УИХ дахь МАН-ын бүлэг хуралдлаа. Ерөнхийлөгчийн хориг, ард нийтийн санал асуулга, ээлжит бус сонгууль явуулах эсэх гээд олон чухал асуудал хэлэлцэхээр төлөвлөсөн тус намын бүлгийн хурал эхлээд удалгүй тарлаа. Учир нь, гишүүдийн ирц хангалттай байгаагүйгээс гадна АН-тай дээрх асуудлуудаар зөвшилцөөд ирэх даваа гаригт хуралдах нь зүйтэй гэж үзжээ.

УИХ дахь МАН-ын бүлгийн дарга Д.Тогтохсүрэн энэ талаар хэлэхдээ "Бүлгийн хуралд 35 гишүүн оролцлоо. АН-аас Үндсэн хуулийн өөрчлөлт, ард нийтийн санал асуулга, ээлжит бус сонгууль явуулах эсэх асуудлаар хоёр талаасаа ажлын хэсэг гаргаж зөвшилцөх санал ирүүлсэн. Үүний дагуу ажлын хэсэг гаргаж АН-тай зөвшилцөхөөр боллоо. Түүний дараа ирэх даваа гаригт бүлгээ хуралдуулна. Мөн УИХ-ын ээлжит бус чуулганыг хаана" гэлээ.