Монгол, Польшын хооронд дипломат харилцаа тогтоосны 70 жилийн ой болно

Ирэх жил манай улсын гадаад харилцааны салбарт олон чухал тэмдэглэлт үйл явдал болно. Тухайлбал, Монгол Улс, БНПУ-ын хооронд дипломат харилцаа тогтоосны 70 жилийн ой тохиох юм. Энэхүү түүхэн ойтой холбогдуулан Олон улсын харилцааны хүрээлэнгийн захирал, доктор Д.Золбоо, Гуравдагч хөрш орон судлалын салбарын эрхлэгч, доктор Д.Алтай нар Бүгд Найрамдах Польш Улсаас Монгол Улсад суугаа Элчин сайд Кшыштоф Бойкотой уулзжээ. 

Элчин сайд Монгол Улсын өнөөгийн гадаад бодлогын онцлог, хөрш их гүрнүүд Хятад болон Орос улсуудтай харилцах харилцааны онцлог, өнөөгийн “Гуравдагч” хөршийн бодлогын талаар сонирхож, хамтын ажиллагааны талаар санал бодлоо солилцсон байна. Уулзалтын дүнд Монгол дахь Польш судлалыг хөгжүүлэх, хоёр талын судлаачдыг харилцан солилцох ажлыг эрчимжүүлэх, ирэх онд тохиох түүхэн ойг хамтран тэмдэглэх зэрэг олон ажлыг харилцан тохиролцсон байна. Сонирхуулахад анх 2013 онд Монгол Улсын ШУА, Польшийн ШУА-ийн хооронд Эрдэм шинжилгээний салбарт хамтран ажиллах гэрээ байгуулагдсан бөгөөд уг гэрээг сунган 2019-2021 онд хэрэгжүүлэх протоколыг энэ оны гуравдугаар сард хоёр академийн удирдлага Варшав хотод гарын үсэг зурж баталгаажуулсан юм. Ирэх 7 хоногт буюу есдүгээр сарын 24-ний өдөр Монголын Үндэсний музейд “Дэлхийн II дайны үеийн Польшийн ард түмний тэмцэл ба тэдний хатан зориг” сэдэвт гэрэл зургийн үзэсгэлэн нээгдэнэ. Уг үзэсгэлэнг монгол үзэгчдэд хоёр сарын турш сонирхуулах юм байна.                 

Манай улс 1949 онд Польш улстай дипломат харилцаа тогтоосон бөгөөд өнөөдрийн байдлаар Польш улсад Монголын 1000 орчим иргэн байнгын оршин сууж, ажил хөдөлмөр эрхэлж байгаагаас 600 орчим нь албан ёсоор хөдөлмөр эрхэлдэг байна. Тэр дундаа уламжлалт анагаах ухааны салбарын монгол эмч нар Польш улсад амжилттай ажиллаж байгаа ажээ. Дашрамд дурдахад Польшийн тал Элчин сайдын яамаа Улаанбаатарт байгуулах талаар  тодорхой түвшинд ярилцаж байгаа юм.         

  


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. Elchingee baiguulna gej barag 10 jil yarij bna. Iim l oodgui garuud daa. Manaihan hol aldah hereggui ee. Elchingee baiguulsniih ni daraa daraagiin ajil hergee yarih heregtei. Hun muutai humuus shuu.

    0 0 Хариу бичих
  2. Польшийн гэж бичнэ

    0 0 Хариу бичих
  3. Польшийн ЭСЯ байгуулагдаагүй юм уу, нэн даруй байгуулмаар юм.

    0 0 Хариу бичих