Чөлөөт бөхийн насанд хүрэгчдийн ДАШТ Казахстан улсад үргэлжилж байна.
Эмэгтэйчүүдийн 68 кг-ын жинд барилдаж буй “Лондон-2012” олимпийн наадмын хүрэл, ДАШТ-ий хошой алт, нэг мөнгөн медальт, хөдөлмөрийн баатар, гавьяат тамирчин С.Батцэцэг эхний тойрогт энэ жил Азийн АШТ-ээс хүрэл медаль хүртсэн, Узбекистаны Нулифар Гадаеваг цэвэр ялсан.
Тэрээр хоёрдугаар тойрогт ДАШТ-ий хошой хүрэл медальт, Европын дөрвөн удаагийн аварга Латвийн Анастасья Григорьева 6:0-ээр яллаа. С.Батцэцэг дараагийн учраа ДАШТ-ий мөнгө, хүрэл медальт, Францын Кумба Ларроктой барилдана.
Мөн эрэгтэйчүүдийн 65 кг-д үндэсний шигшээ багийн ахлах дасгалжуулагч Б.Баттулгын шавь Т.Тулга эхний тойрогт Беларусийн Ниургун Скрриабиныг 5:2-оор ялсан.
Тэрээр дараагийн тойрогт Нидерландын Масуд Ниазыг цэвэр яллаа. Т.Тулга дараагийн тойрогт ДАШТ-ий хүрэл медальт, Азийн гурван удаагийн аварга эзэн орны тамирчин Даулет Ниязбековтой барилдана.
