“Нурсултан 2019” чөлөөт, сонгомол барилдааны дэлхийн аварга шалгаруулах тэмцээний эмэгтэй чөлөөт бөхийн 55 кг-ын жинд барилдаж буй Б.Болортуяа Энэтхэгийн бөх Лалита Лалитаг 10:3 оноогоор ялж шөвгийн наймд үлдлээ. Манай бөх дараагийн тойрогт АНУ-ын бөх Жакара Гвениша Винчестертэй барилдаж, 2:13 оноогоор хожигдов. АНУ-ын бөх дараагийн тойрогт ялбал манай бөх торгуулийн тойрогт барилдаж медальд хүрэх боломжтой.

Өнөөдөр 50, 53, 55, 72 кг-ын жингийн барилдаанууд болж байгаа бөгөөд манай улсаас ОУХМ Цогт Очирын Намуунцэцэг /50 кг/, МУГТ Эрдэнэчимэгийн Сумьяа /53 кг/, Бат-Очирын Болортуяа /55 кг/, МУГТ Банзрагчийн Оюунсүрэн /72 кг/ нар барилдаж, Б.Болортуяагаас бусад нь ялагдаад байгаа юм.