“Нурсултан 2019” чөлөөт, сонгомол барилдааны дэлхийн аварга шалгаруулах тэмцээний эмэгтэй чөлөөт бөхийн тэмцээн өнөөдөр эхэллээ. Өнөөдөр 50, 53, 55, 72 кг-ын жингийн барилдаанууд болох бөгөөд манай улсаас ОУХМ Цогт Очирын Намуунцэцэг /50 кг/, МУГТ Эрдэнэчимэгийн Сумьяа /53 кг/, Бат-Очирын Болортуяа /55 кг/, МУГТ Банзрагчийн Оюунсүрэн /72 кг/ нар барилдаж байна.
Манай дөрвөөс МУГТ Э.Сумъяа эхлэн дэвжээнд гарч Камеруны бөх Жосеф Эммелин Эссомбе Тиаког 14:2 оноогоор цэвэр ялсан. Харин дараа нь дэвжээнд гарсан ОУХМ Ц.Намуунцэцэг ОХУ-ын Екатерина Полещукт 6:9, МУГТ Б.Оюунсүрэн БНХАУ-ын Палиха Палихад 1:4 оноогоор тус, тус ялагдлаа.
Одоо МУГТ Э.Сумъяа хоёрдугаар тойргийн барилдаанаа Герекийн бөх Преволоракитай хийнэ.
Мөн Б.Болортуяа Энэтхэгийн Лалита Лалитатай эхнийтойрогт барилдана.
