Домогт “17” буюу Валерий Харламов

Зөвлөлтийн домогт хоккейчин олимпийн хошой, дэлхийн найм, Европын зургаа, ЗХУ-ын 11, ЗХУ-ын цомын таван удаагийн аварга Валерий Борисович Харламов 1948 оны нэгдүгээр сарын 14-нд Москва хотод төржээ. Валерий Харламовын эцэг Борис орос үндэстэн бол эх Кармен Ориве Абад нь 1937 онд, 12 настайдаа  Испаниас ЗХУ-д дүрвэж ирсэн баск үндэстэн байжээ. Эцэг, эх нь  “Коммунар” үйлдвэрт ажиллаж байхдаа бүжгэн дээр анх танилцсан аж.  

Борис Харламов үйлдвэрийнхээ хоккейн багийн бүрэлдэхүүнд багтаж, хотын аварга шалгаруулах тэмцээнд оролцдог байсан нь хүүд нь маш том нөлөө үзүүлсэн юм. Бэлтгэл сургуулилт хийхдээ тэмцээн уралдаанд оролцохдоо хүүгээ байнга дагуулж явдаг байсан тул Валерий хар багаасаа хоккейн спортод сэтгэл татагдаж, долоон настайдаа мөсөн дээр гарч, гулгаж цохиур залж сурчээ. Эцэг нь хүүгээ 1961 онд нууцаар ЦСКА клубын хоккейн сургуульд дасгалжуулагч Андрей Старовойтовын шавь болгож, Валерий хүү түүний удирдлага дор дөрвөн жил бэлтгэл сургуулилт хийв. 
Харламов 1967 онд Минск хотод болсон залуучуудын УАШТ-ий үеэр өөрийгөө нээн харуулж чадсан. Тэр намхан нуруутай ч хоккейн талбайд “сэтгэдэг”, тоглолтыг “уншдаг”, хэрэгтэй үед хэрэгтэй газраа очдог болохыг нь дасгалжуулагчид олж харжээ. Тиймээс ЦСКА клубын дасгалжуулагчид түүнийг дараа жилээс нь үндсэн багтаа хааяа тоглуулах болсон юм. Харламов анхны гоолоо тэр оныхоо дөрөвдүгээр сард “Крылья Советов” багийн хаалганд оруулж, аравдугаар сараас Владимир Петров, Борис Михайлов хоёртой хамтран тоглох болов. ЦСКА клубын залуучуудын багийн гурвал 1969 оны эхээр ЗХУ-ын шигшээ багтай хийсэн тоглолтод гялалзсаар Шведэд болох насанд хүрэгчдийн ДАШТ-д явах болсон юм. ЗХУ-ын баг дэлхийн аварга болоход дээрх гурвал гол үүрэг гүйцэтгэж, Харламовын уран хууралт, гоёмсог гоолууд, оновчтой дамжуулалт үзэгчдийн бахархлыг төрүүлж байв. 

Тэрээр гарамгай хуурдаг байлаа. Өрсөлдөгч багийнхаа хамгаалагч руу зоригтой дайрч дундуур нь яаж ийгээд гарна гэдгээ мэднэ, биечлэн гоол хийх гэж улайрдаггүй, хамтран тоглогч нартаа оновчтой дамжуулалт өгөхийг илүүд үздэг онцлогтой. Харламов гурвалынхаа тухай ярихдаа “Бид гурав бие биенээ харангуут л ямар үйлдэл хийх гэж байгаагаа ойлгодог. Нэг нэгнээ хараагүй байсан ч санааг нь мэдэрдэг. Нөгөө тоглогч маань дараагийн секундэд ямар дамжуулалт хаашаа хийх гэж байгааг нь би зөнгөөрөө мэдэрч яг тэр цэгт нь дахин очиход шайб яг миний цохиурт хүрээд ирдэг” гэж ярьдаг байлаа. Харламов 1972 онд Японы Саппород хотод болсон өвлийн олимпийн наадмын аварга болохдоо есөн гоол оруулж, долоон оновчтой дамжуулалт өгч, хоёр тоглолтод хет-трек хийсэн.

Тэр жилийнхээ есдүгээр сард Канадын мэргэжлийн хоккейчидтэй хийсэн цуврал тоглолтод гоц тоглож, олон улсын хэмжээнд бүх нийтийн талархал, хүндэтгэлийг хүлээсэн юм. 1974 оны цуврал тоглолтод оролцохдоо хоёрхон шайб оруулсан ч аль аль нь хоккейн спортын түүхэнд мөнхөрчээ.

Есдүгээр сарын 17-нд Канадын Квебек хотод болсон тоглолтод эсрэг багийн хамгаалагч Ж.К.Трамбле, Пет Степлтон хоёрын дундуур шумбан гарч шайб оруулахад 10 мянга гаруй алга ташин баяр хүргэж байсан түүхтэй. 1976 онд Автрийн Инсбрук хотод болсон өвлийн олимпийн наадмын хоккейн тэмцээний аварга баг хамгийн сүүлчийн тоглолтын эцэст тодорчээ. Тоглолтын эхний үед Чехословакийн тоглогчид хоёр шайб хийсэн ч төгсгөлийн үед 3:3 болсон байлаа. Энэхүү эгзэгтэй үед Харламов эсрэг багийн хаалгач Иржи Голечекийн хаалганд шийдвэрлэх шайб хийснээр багаа ялалтад хүргэж, олимпийн хошой аварга болсон юм. Тухайн үед Харламовын алдар суу дэлхий даяар тархаж, түүнийг цаг үеийнхээ шилдэг тоглогчийн нэг, ЗХУ-ын хоккейн спортын түүхэн дэх хамгийн гарамгай довтлогч хэмээн бахархан бичиж байлаа. Гэвч тэрээр 1981 оны наймдугаар сарын 27-нд эхнэрийн хамт хөнгөн тэргээр явж байгаад осолд орж, өөд болсон билээ. Зөвлөлтийн төдийгүй манай олон мянган үзэгчид, спортын зүтгэлтнүүд түүний үхлийг гай гамшиг гэж гашуудаж байсан юм. Тэрээр 1969 онд ЗХУ-ын гавьяат тамирчин цол хүртэж, 1972, 1973 онд ЗХУ-ын шилдэг хоккейчин, 1976 онд ДАШТ-ий шилдэг довтлогчоор шалгарч байв. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (9)

  1. bi bolon bid ene uye-iin Orosiin Shabitai kokein togloltyg uzej baharhaj ,kak kokie"gej saihan yumaa.helj yablaa.bas 1968 -onoos hul bumbug odoo hurtel uzej bn.

    0 0 Хариу бичих
  2. Да, он был великим хоккейстом ХХ века не только СССР, но и всего мира. У меня есть стихотворение "СОВЕТСКАЯ СБОРНАЯ". Оно посвящено памяти В.Харламова.

    1 0 Хариу бичих
  3. Hockey medexgvi burantsaguud zailarai aytaixan gulgaj chadxgvi bj manai hockeyg ta nar shvvxgvi medvv ydaj gants mongoliin hockey n togloltiig irj vzej vzsiimvv golognvvd min gulgaj chadxuu ydaj ta nar manai xalxiin hockeynd ta nar yum yrixgvi medvvv

    0 0 Хариу бичих
  4. Хэнийг хэлж байгаагаа мэдэж бга юмуу дэлхий даяараа шүтэн биширч байсан домгуудыг ингэж хэлдэг спорт сонирхогч байх уу зүгээр л хоосон аялдан дагагч бна

    0 0 Хариу бичих
  5. Юм гэж харьцангуй. 70-аад оны сүүлээр хүүхэд байхад Харламов шиг мундаг хүн байгаагүй, домог байлаа. Тоглолтыг нь үнэхээр биширдэг байв. Гэхдээ, юм өөрчлөгддөг, хөгждөг. Одоогийн мэрэгжлийн хоккэйчдийн дунд хамгийн мяа нь л Харламоваас 5 дахин илүү. Хоккэйн хөгжил тийм л байсан. Үүнтэй нэг адил, Лев Яшин гээд СССР-ийн домогт хаалгач байна, Пэлэ гээд Бразилийн домогт хөлбөмбөгч байна. Одоо захын хаалгач Лев Яшингаас 5 дахин илүү, Пэлэ ч мөн адил захын мэрэгжлийн хөлбөмбөгчний дэргэд шушмай хүүхэд юм.

    1 1 Хариу бичих
    • 20 jiliin daraa chinii huuhed chamaas iluu guij haraih baihdaa. Uchir in chi mya za yu. Tarhinii turaal mine.

      0 0
    • Тийм ш дээ, Чингисийн цэргүүд одоо бол юу ч биш. Яагаад гэвэл дээр үеийн монголчууд чинь бүгдээрээ 1метр 40 см намхан, бүгд бүдүүлэг зэрлэгүүд, алуурчид байсан юм. Одоо гарч ирээд байлдана гэвал юу ч чадахгүй ш дээ. Пэлэ, Яшин, Харламов нар бол домог мөөн. Тухайн цаг үедээ л домог шүү дээ. Цаг цагаараа

      0 0
    • Teneg mal l gej heliidaa tgd yaahu chinggisiin tsereg odoo bol yu ch bish odoogiinh 100 dahin iluu gj hutsaaj yaaj iim teneg bj chddag bnaaa chaavas gj

      0 0
    • Ene eruul uu yu bicheed bn aa sport .meddeggyu ork chin pele yashin 2 odoo tegeed yu bolood xuvirav daa xunii shildeg 2 shui dee

      1 0