Шинэ Зеландаас босоо хүний дайтай оцон шувууны яс олджээ

Палеонтологи сонирхдог Ли Лав гэгч эр 2018 онд Шинэ Зеландын Уайпар голын эргээс эртний шувууных байж болохоор чулуужсан яс олсноо мэргэжлийн байгууллагад илгээжээ. Олон улсын палеонтологич эрдэмтдийн баг уг ясыг судлаад 66-56 сая жилийн өмнө амьдарч байсан, шинжлэх ухаанд урьд өмнө мэдэгдээгүй оцон шувууны шинэ төрөл төрөл болохыг илрүүлсэн байна. Шинэ төрлийг Crossvallia waiparensis гэж нэрлэжээ.  

Оцон шувууны өндөр 1.6 метр, жин нь 70 гаруй кг байсан бололтой. Одоо амьдарч байгаа оцон шувууны төрөл зүйлийн хамгийн том нь 1.2 метр өндөр, жинд нь 45 кг-аас хэтэрдэггүй билээ.

Кентерберийн музейн доктор Ванесса де Пьетрийн хэлснээр, энэ удаагийн нээлт нь оцон шувуунууд хөгжлийн эхэнд үедээ маш том биетэй байсныг баталж байгаа аж.

Эрдэмтэд өмнө нь “Crossvallia unienwillia” гэж нэрлэсэн аварга оцон шувууны үлдэгдлийг Антарктидаас илрүүлж байв.

Сэтгэгдэл бичих (2)

Таны сэтгэгдэл нийтлэгдсэн.

Фейсбүүкээр нэвтрэх

1. 

   Зочин 2019/09/12

   Хэдэн сая жилийн өмнө амьдарч байсан Арслан заан одоогийн заанаас бараг 2 дахин том, матар нь гэхэд мөн адил 2-3 дахин том, одоо оцон шувуу. Ер нь тэр үед байсан амьтад бүгд агуу том байж. Одоо удахгүй тэр үед амьдарч байсан хүний өвөг гээд 3 метр өндөртэй хэлхээ яс олдох юм байна даа.

   0 0 Хариу бичих
2. 

   Зочин 2019/09/12

   Шууд гадны мэдээнээс орчуулахдаа монгол хэлэндээ тааруулж ойлгогдохоор орчуулбал зүгээр ш дээ. Заавал босоо хүний дайтай гэж үгчилж орчуулахаар нэг л буухгүй байна. Зүгээр л хүний өндөртэй чацуу гэх мэтээр буулгавал зүгээр болов уу гэж бодлоо.

   0 0 Хариу бичих