Улсын хэмжээнд зохион байгуулдаг “Шилмэл мал-2019” арга хэмжээ өнөөдөр Төв аймгийн төв Зуумодод эхэллээ. Энэхүү арга хэмжээ нь энэ сарын 13-ныг хүртэл үргэлжлэх бөгөөд бусад аймгаас ашиг шим сайтай мал авч иржээ.
“Шилмэл мал-2019” арга хэмжээний үеэр айрагны баяр, цагаан идээний үзэсгэлэн худалдаа болж байгаа юм байна. Мөн Төв аймгийн 27 сумын шинэ ногоо,сүү, цагаан идээ, махны үзэсгэлэн, худалдаа зохион байгуулж байгаа аж. Аймгуудаас гойд ашиг шимт мал ирэх тул сонирхсон малчид, мал бүхий иргэд хүрэлцэн ирэхийг урьж байна.
