Apple компани гурван камертай iPhone11 цувралаа танилцууллаа
Apple компани урд шөнө ухаалаг гар утасныхаа шинэ цувралыг танилцууллаа. Цувралд iPhone11, iPhone 11 Pro, iPhone 11 Pro Max утаснууд багтаж байна. iPhone11-ийн хувьд нэмэлт камертай болсон. Шинэ камер нь 12 мегапикселийн хэмжээтэй, шөнийн горимтой байх юм. Энэхүү загвар нь 6.1 инчийн шингэн Retina дэлгэцээр тоноглогдсон бөгөөд зургаан өнгийн сонголттой ажээ. Өртөгийн хувьд 699 доллараар есдүгээр сарын 20-ны өдрөөс худалдаанд гарах юм.
iPhone 11 Pro загварын гурав дахь камер нь телефото линзтэй гэдгээрээ онцлог. Дөрвөн өнгийн сонголтой. IPhone 11 Pro болон Max загварууд 5.8 инч, 6.5 инчийн хэмжээтэй, Super Retina XDR дэлгэцтэй.
Шинэ загварууд бүгд A13 процессороор тоноглогдсон бөгөөд секундэд нэг их наяд үйлдэл хийх боломжтой ажээ. IPhone 11 Pro ба iPhone 11 Pro Max-ийн үнэ 999-аас 1099-аас эхлэх болно. Шинэ барааны урьдчилсан захиалгыг 9-р сарын 20-оос эхлэн авахаар төлөвлөж байна.
Өчигдөр мөн Apple Watch Series 5, 7-р үеийн iPad, Apple Arcade, Apple TV+ зэрэг шинэ бүтээгдэхүүн, үйлчилгээг танилцууллаа.