“Намрын ногоон өдрүүд-2019” энэ сарын сарын 18-24-нд болно

Намрын ургац хураалт эхэлсэнтэй холбогдуулан Хүнс, хөдөө аж ахуй, хөнгөн үйлдвэрийн яам, нийслэлийн Засаг даргын Тамгын газар хамтран “Намрын ногоон өдрүүд” арга хэмжээг жил бүр зохион байгуулдаг. Уламжлал болсон “Намрын ногоон өдрүүд” үзэсгэлэн худалдаа энэ сарын 18-24-нд “Мишээл экспо” төвд болох юм байна.

“Намрын ногоон өдрүүд” нэгдсэн арга хэмжээг Монгол Улсад атар газар эзэмшсэний 60 жилийн хүрээнд “Эрүүл хүнс-Эрүүл Монгол хүн” уриан дор зохион байгуулахаар болжээ. Есдүгээр сарын 20-нд “Баяжуулсан хүнс”, 21-нд “Атар-60 жил” болон “Үндэсний хоол”, 22-нд  “Мах сүүний анхдугаар аян”, 23-нд  “Органик хүнс” өдөрлөгүүдийг тус бүр зохион байгуулах юм байна.    

Мөн шилдэг хүнсний бүтээгдэхүүнийг ангилалаар тодруулах ажээ.

1.Шинэ нэр төрлийн шилдэг бүтээгдэхүүн                                                                     

2.Хүнсний экспортын шилдэг бүтээгдэхүүн                             

3.Хүнсний импортыг орлох шилдэг бүтээгдэхүүн                      

4.Хүүхдэд зориулсан шилдэг бүтээгдэхүүн 

5.Орон нутгийн хүнсний шилдэг бүтээгдэхүүн            

Үзэсгэлэн худалдаанд оролцох сонирхолтой хүнс үйлдвэрлэгч аж ахуйн нэгжүүд энэ сарын 12-14-нд Хүнс, хөдөө аж ахуй, хөнгөн үйлдвэрийн яамны Хүнсний үйлдвэрийн хөгжлийн бодлого зохицуулалтын газарт хандаж хариуцлагын гэрээ байгуулан, мандат авах юм байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)