Иргэдээс ирүүлсэн гомдлын дагуу ерөнхий боловсролын сургуульд шилжин ирэгсдээс байрны гэрчилгээ, ордер шаарддаг, тухайн хаягтаа 1 жилээс дээш амьдарсан байх шалгуур нь хүний сурч боловсрох эрхэд халдсан үйлдэл гэж үзжээ. Энэ хүрээнд Хүний эрхийн үндэсний комиссоос Улаанбаатар хотын Засаг даргын Тамгын газарт буюу Нийслэлийн захирагчийн албанд зөрчлийг арилгуулах шаардлага хүргүүлсэн аж.

Уг шаардлагыг Нийслэлийн боловсролын газар биелүүлж, шилжин ирж буй сурагчдаас оршин суух газрын нотолгоо шаардахыг болиулах шийдвэр гаргажээ.