Бархасбадийн 12 шинэ дагуулыг нээгдсэн тухай өнгөрсөн онд Карнегийн хүрээлэн зарласан.Оны эхээр тэдний тавд нь өгөх албан ёсны нэр шалгаруулах уралдаанд хүсэлтэй хүн бүрийг урьсан байлаа. Шинэ нэрэнд хэд хэдэн болзол тавигдсны дотор эртний Ром, Грекийн домгийн баатруудын нэршилээс тусгахыг зөвшөөрсөн байв. Мөн ретроградын буюу төв биетээс эсрэгээр эргэх тойрог замтай гурван дагуул уламжлалын дагуу Е үсгээр төгссөн нэр авах, нөгөө хоёрын нэрийн төгсгөл нь А үсгээр төгсөх ёстой байжээ. Дагуулуудыг Зевсийн үр садын нэрээр нэрлэжээ.
Дагуул одод Зевс, Серена дагина хоёрын охид Пандия (Pandia), Эрса (Ersa) ба Зевс, Фемида хоёрын охин Филофросина (Philophrosyne), Зевсийн зээ, Гефест, Аглая хоёрын охин Евфема (Eupheme) нарын нэрийг авчээ. Өнгөрсөн оны нээлтийн дараа Бархасбадь 79 дагуултай болжээ. Тэдний хамгийн том Ио, Европа, Ганимед, Каллисто дөрвийг хамгийн анх 1610 онд Галилео Галилей нээсэн юм.
