Газрын тосны үнэ 63 ам.долларт хүрлээ

Лондонгийн ICE бирж дээр 2019 оны 9-р сард нийлүүлэх Brent маркийн газрын тосны үнэ 2.4 хувиар өсч, баррель нь 63.03 долларт хүрлээ.

Хамгийн сүүлд энэ ангиллын тосны үнэ наймдугаар сарын 1-нд нэг баррель нь 63 доллараас дээш байжээ.

Саудын Арабын Эрчим хүчний сайд Халед бин Абдель Азиз аль-Фалехыг даваа гарагт үүрэгт ажлаас нь чөлөөлсөн. Түүнийг одоогоор ханхүү Абдел Азиз бин Салман орлож байна. Саудын Араб бол хамгийн том нефть олборлогч бөгөөд ОПЕК + хэлэлцээрийн тэргүүлэгч орон юм

Шинжээчдийн үзэж байгаагаар Саудын Арабын газрын тосны сайдыг өөрчилснөөр ОПЕК + хэлэлцээрт ахиц гарч, газрын тосны үнийг тогтворжуулах болно.

ОПЕК + үйлдвэрлэлийг бууруулах хэлэлцээр нь 2020 оны 3-р сарын эцэс хүртэл хүчинтэй байгаа.Хэлэлцээрт оролцож буй орнууд олборлолтоо өдөрт 1.2 сая баррелаар бууруулах үүрэг хүлээсэн юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)