Б.Жамбалбаярням дэлхийн рекордыг шинэчлэн тогтоолоо

БНХАУ-ын засаг захиргааны онцгой бүс Макао-д зохион байгуулагдсан Ой тогтоолтын нээлттэй тэмцээн өнгөрсөн амралтын өдрүүдэд буюу наймдугаар сарын 23-25 хооронд боллоо. Тус тэмцээнд 6 орны 90 гаруй тамирчин 2 өдрийн турш өрсөлдөж шилдгүүдээ тодрууллаа.

Манай улсыг төлөөлөн 12 тамирчин хоёр дасгалжуулагчийн хамт оролцон 80 медалиас 14 алт, 20 мөнгө, 23 хүрэл буюу нийт 58 медалийг нь хүртэж багийн нийлбэр дүнгээр (17533 оноо) аварга боллоо.

Ганцаарчилсан төрөлд тэмцээний 10 төрлийн дараах дүнгээр Монголын оюун ухааны академи, "Denk Pharma Mongolia" компанийн тамирчин, ОУ-ын Их мастер Э.Пүрэвжав 6588 оноогоор нийт тамирчдаа тэргүүлж аварга болсон бол удаах байрт Их мастер Б.Лхагвадорж шалгарлаа. Өсвөр насны ангилалд шинэ тамирчин Б.Энхбаясгалан, Дархан-Уул аймгаас оролцсон тамирчин Ц.Эмүжин нар II, III байрт шалгарчээ. Харин бага насны ангилалд Орхон аймгийн тамирчин А.Должин тэргүүлж Б.Энхлүүн нийлбэр оноогоор III байрт орлоо. Бага насны ангилалд өрсөлдсөн Б.Жамбалбаярням "Images" төрөлд 5 минутад 330 зураг тогтоон дэлхийн рекордыг шинэчлэн тогтоолоо.

Мөн шигшээ багийн ерөнхий дасгалжуулагч, ОУ-ын шүүгч Б.Баасандорж Азийн холбооны шилдэг дасгалжуулагчаар шалгарч цом хүртлээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. Ymar saikhan medee ve. Mash ih bayarlaj, baharhaj baina Uneheer gaihaltai. Mongol hund uunees saikhan bayart medee gej uur uy baihav dee. Ur huuhduud mini l sain saihan ner buten amjilttai, ner turtei baival uur uy huseh ve dee. Bayarlalaa. Amjilt.

    0 0 Хариу бичих
  2. Woooaw

    0 0 Хариу бичих