Монгол Улсад 18.943 мэргэжлийн нягтлан бодогч байна

Монгол Улсын нутаг дэвсгэрт үйл ажиллагаа явуулж байгаа аж ахуйн нэгж, байгууллага болон төсвийн байгууллагуудын “Бүртгэл хөтлөлтийн улсын үзлэг”-ийг Сангийн яам, Татварын ерөнхий газар хамтран хийжээ. Уг үзлэгийг асуулгын болон ажлын байранд нь шалгах замаар зохион байгуулсан бөгөөд нийт 131.765 аж ахуйн нэгж, байгууллага хамрагдахаас 72 хувь буюу 95.523 аж ахуйн нэгж, байгууллага, 6389 төсөвт байгууллага хамрагдахаас 3.410 төсөвт байгууллага хамрагджээ.

Энэ оны эхний хагас жилийн байдлаар аж ахуйн нэгж, байгууллагын 26 хувь буюу 24.997 байгууллага Нягтлан бодох бүртгэлийн бодлогын баримт бичигтэй, харин төсөвт байгууллагын хувьд 2945 байгууллага буюу 86.6 хувь нь бодлогын баримт бичигтэй гэсэн дүнтэй байгаа аж.

Манай улсад санхүү нягтлан бодох бүртгэл хариуцан ажиллаж буй нийт 18.943 мэргэжлийн нягтлан бодогч байгаа бол үүний 90 хувь буюу 15.467 нягтлан бодогч аж ахуй нэгж, байгууллагад, 10 хувь буюу 3476 нягтлан бодогч төсөвт байгууллагад ажилладаг байна. 

Түүнчлэн судалгаанд хамрагдсан аж ахуй нэгж, байгуулагын 11 хувь буюу 10.516 байгууллага санхүү, нягтлан бодох бүртгэлийн программ хангамж ашигладаг гэжээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)