Алга болсон хоёр настай хүүг эрэх ажиллагааг дахин эхлүүлжээ

Ховд аймгийн Ховд  сумын малчин Н-ын хоёр настай хүү өчигдөр  сураггүй алга болжээ. Тодруулбал, гэрийнхэн нь малдаа явах үед хүү гэртээ ганцаараа үлдсэн  байна.  Хэргийн талаарх дуудлага  аймгийн Онцгой байдлын газарт тус өдрийн 21.05 цагт ирж,  эрлийг зохион байгуулсан ч үр дүнд хүрээгүй аж. Улмаар өнөөдөр 06.00 цагт эрлийн ажиллагааг дахин эхлүүлжээ. Хүүгийн ар гэрийнхэн нь сумын төвөөс баруун хойд зүгт 30 км-т амьдардаг бөгөөд эрлийн багийнхан ойролцоох гол ус, гуу жалгаар хайж буй.

 Дашрамд дурдахад, өнгөрсөн онд  Баян-Өлгий болон Дорнод аймагт хоёр настай эрэгтэй, эмэгтэй хоёр хүүхэд сураггүй  алга болсон. Улмаар охины цогцсыг алга болсноос нь хойш  24 хоногийн дараа дэрсэн дундаас олсон бол  хүүгийн цогцсыг  хөрш айлын хүмүүс нь гэрээсээ гурван километр орчим зайтай газарт буюу  голын уснаас олсон байдаг.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)