Зоонозын өвчин судлалын үндэсний төвөөс хил орчмын бүс дэх халдварын эрсдэлийг тогтоох тандалт судалгаа хийжээ. Тодруулбал, Сүхбаатар аймгийн Эрдэнэцагаан сумын нутаг “Бичигт” боомт орчим тархсан мэрэгч амьтны зүйлийн бүрдэл, тархалтыг тогтоох, Монгол Улс болон БНХАУ-ын хилийн бүс орчмын зоонозын халдварын тархалтыг судлах зорилгоор өнгөрсөн сарын 20-30-нд судалгааны баг ажиллажээ.

Судалгаанд нийт 34000 га талбайг хамруулж, нийт 56 амьтан олзворлон 292 дээж материал цуглуулж, шинжилгээ хийж байгаа юм байна. Мөн тухайн нутгийн оршин суугчдаас эрсдэлт бүлгийн хүн амыг сонгон зоонозын халдварт өвчний талаарх асуумж судалгаа авч, мэдлэг хандлагыг тогтоожээ.