Оросын суут яруу найрагч Александр Пушкиний "Евгений Онегин" романы анхны хэвлэлийг Кристи дуудлага худалдаагаар 467.300 паунд буюу 582,000 ам.доллараар худалдсан байна. Энэ нь дуудлага худалдааг зохион байгуулагчдын тооцоолсон үнээс даруй гурав дахин их үнэ гэнэ. Дуудлага худалдааны үеэр мөн Европын 120 хувийн цуглуулагчийн ховор хуучин номыг танилцуулсны дотор Михаил Лермонтов, Федор Достоевский, Лев Толстойн шилдэг бүтээлүүд багтжээ.