Маргааш хамгийн гоё Монгол хувцастай жуулчин шалгаруулна

Нийслэлийн Соёл урлагийн газар, Аялал жуулчлалын газар, нийтийн тээврийн газраас “Улаанбаатарын үдэш”, “Дээлтэй Монгол” наадмын талаар мэдээлэл өглөө. Тухайн наадмын бэлтгэл ажил 90 хувьтай байна. “Дээлтэй Монгол” наадам маргааш болно. 13 дахь жилдээ болж буй энэ наадмын онцлог нь ОХУ-ын Буриад, БНХАУ-ын Өвөрмонголоос хүмүүс ирж байгаа аж. Мөн аж ахуйн нэгжүүдийн үндэсний хувцастай жагсаал болно. Түүнчлэн Монгол хувцастай жуулчин шалгаруулах юм байна. Энэ жилийн наадамд хүүхдийн байгууллагууд мөн түлхүү оролцож байгаа аж.

 “Улаанбаатарын үдэш” цэнгүүний тухайд тус цэнгүүн 11, 12-нд болох гэнэ. Цэнгүүний дараа иргэдийг нийтийн тээврээр үнэгүй зорчуулах юм байна. Иргэд цэнгүүний дараа нийслэлийн Нийтийн тээврийн газраас зохицуулсан гурван байрлалаас чиглэлийнхээ автобусанд суух аж.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)