МАХН Үндсэн хуулийн өөрчлөлтөөр санал боловсруулжээ

МАХН-аас Үндсэн хуулийн өөрчлөлттэй холбоотойгоор УИХ-ын даргад санал хүргүүлэхээ мэдэгдлээ. 

Эрх баригчид дангаараа Үндсэн хуулийн өөрчлөлтийг хийж байгаа нь буруу гэж МАХН үзэн Үндсэн хуулийн өөрчлөлттэй холбоотой санал боловсруулсан байна.МАН-ын боловсруулсан Үндсэн хуулийн төсөлд төрийн эрх мэдлийг данхайлган, ард түмний эрх мэдлийг орхигдуулсан, байгалийн баялаг, боловсролын тэгш хүртээмжийг өөрчлөх дорвитой заалт ороогүй гэж тэд үзжээ. 

Мөн Үндсэн хуулийн өөрчлөлт нь зөвхөн өндөр эрх мэдэлтнүүдийн албан тушаалын хугацааг сунгах, богиносгох, эрх мэдлээ хуваарилах асуудал биш. Харин хүн бүрт өгөөжөө өгөх ёстой тул бусад намууд, иргэдийн чөлөөт шударга хэлэлцүүлэгт үндэслэн санал асуулгаар шийдэхийг МАХН саналдаа тусгасан байна.

 Оюутолгой, Тавантолгой зэрэг том ордыг бүх ард түмний өмч байлгах үүднээс хүн бүрт гэрчилгээ олгож, гэрчилгээгээ ашиглан иргэд эрүүл мэнд, боловсролын үйлчилгээг төрөөс үнэгүй авахаар тусгажээ.

Үүнээс гадна төр барих сонгодог тогтолцооны дагуу УИХ-аас Засгийн газраа бүрдүүлдэг, шүүх засаглалаа УИХ нь сонгодог хараат байдлаа арилгаж, ард түмнээс сонгогдсон ерөнхийлөгч шууд Засгийн газраа бүрдүүлэх ёстой гэв. Түүнчлэн Засгийн газар, УИХ хараат бус байж гишүүд давхар дээл өмсөх шаардлагагүй гэж үзжээ.

Харин эрх баригч МАН-ын боловсруулсан Үндсэн хуулийн өөрчлөлтөд намын дарга нь бүхнийг мэдэгч Ерөнхий сайд болж, УИХ нь мөрдөн байцаах газрын ажил хийдэг болох заалт орсон гэж МАХН-ын дарга Н.Энхбаяр хэллээ. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. soloir maxnambar

    1 0 Хариу бичих
  2. Enhbayar ard tvmneesee 50000 am dollar tuusan gene vv? Yamar muuhai har zvrh ve

    1 0 Хариу бичих