Өнөөдөр ихэнх нутгаар үргэлжилсэн бороо орно

Ус цаг уур орчны шинжилгээний газраас ирүүлсэн нөөдрийн цаг агаарын урьдчилсан төлвийг танилцуулья. Өнөөдөр нийт нутгаар, тэр дундаа төвийн аймгуудын нутгаар үргэлжилсэн усархаг бороо орох тул үер усны аюулаас сэрэмжлэхийг УЦУОШГ, ОБА-наас сэрэмжлүүлж байна.

Малчид, ард иргэдийн анхааралд:

Өнөөдөр нутгийн төв хэсгээр  ахиухан хэмжээний бороо орох тул үер усны аюулаас сэрэмжтэй байхыг анхааруулж байна.

2019 оны 06 дугаар сарын 16-ны 0.8.00 цагаас 20.00 цаг хүртэлх цаг агаарын урьдчилсан мэдээ:

Ихэнх нутгаар үүлэрхэг. Баруун аймгуудын зүүн, төвийн аймгуудын ихэнх нутаг, говь болон зүүн  аймгуудын нутгийн зарим газраар бороо орно. Дуу цахилгаантай. Салхи нутгийн баруун хагаст баруун хойноос, бусад нутгаар зүүн өмнөөс  секундэд 6-11 метр, нутгийн зарим газраар секундэд 14-16 метр хүрч ширүүснэ. Дархадын хотгор, Алтай, Хангай, Хөвсгөл, Хэнтэйн уулархаг нутгаар  14-19 градус, Их нууруудын хотгор,  Алтайн өвөр говь, говийн аймгуудын нутгийн өмнөд хэсгээр 25-30 градус, бусад нутгаар 19-24 градус дулаан байна.

УЛААНБААТАР ХОТ:  Үүлэрхэг. Бороо орно. Салхи зүүн өмнөөс секундэд 6-11 метр, зарим үед секундэд 13-15 метр хүрч ширүүснэ.  20-22 градус дулаан байна.

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)