"Сонгуулийн тогтолцоог сонгуулийн хуулиар зохицуулахыг 270 мянган иргэний 210 мянга нь дэмжсэн"

УИХ-ын төрийн байгуулалтын байнгын хорооны хуралдаанаар Үндсэн хуульд нэмэлт, өөрчлөлт оруулах тухай хуулийн төслийн нэгдүгээр хэлэлцүүлгийг хийж байна. Байнгын хорооны хуралдаанд оролцож буй гишүүд ажлын хэсгийн гишүүдээс асуулт асууж байгаа юм.

Л.Болд: -Үндсэн хуулийн өөрчлөлтийн төсөлд сонгуулийн тогтолцоог пропорциональ тогтолцоонд шилжүүлэх тухай заалт оруулсан байна. Хэнийг УИХ-ын гишүүн болгохыг нам шийднэ гэсэн үг. Одоогийн Үндсэн хуулиар бол иргэд төлөөллөө шууд сонгодог. Энэ заалтыг иргэд, олон нийтээр хэлэлцүүлсэн юм уу. Иргэд төлөөллөө шууд сонгохоос татгалзаж энэ заалтыг дэмжсэн гэдэгт эргэлзэж байна.

С.Бямбацогт: -Сонгуулийн тогтолцоог хуулиар зохицуулна гэсэн заалт л бий. Түүнээс биш шууд ийм заалт байхгүй. Харин сонгуулийн тогтолцоог Үндсэн хуульд заах тус тусдаа хуулиар зохицуулдаг болох ёстой гэсэн заалтыг олон нийтийн хэлэлцүүлэгт оролцсон 270 мянган иргэнээс 210 мянга нь дэмжсэн.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)