Соёл, урлагийн байгууллагуудын “Нээлттэй хаалганы өдөрлөг” Сүхбаатарын талбайд болж байна. Тус өдөрлөг нь Соёл, урлагийн салбарын байгууллагуудын үйл ажиллагаа, үйлчилгээний цар хүрээ хүртээмж, нийгэм соёлын хөгжилд оруулж буй хувь нэмрийг ард иргэдэд сурталчлан таниулах, иргэдээс соёл, урлагийн салбарын үйлчилгээний төрөл, хүртээмжийг чанаржуулах талаар санал санаачлагыг хүлээн авах зорилготой юм. Энэхүү соёл, урлагийн байгууллагуудын “Нээлттэй хаалганы өдөрлөг”-ийн ерөнхий зохион байгуулагчаар Соёл, урлагийн газар, Нийслэлийн соёл урлагийн газар ажиллаж байна.
Уг өдөрлөгт Улсын драмын эрдмийн театр, Улсын дуурь бүжгийн эрдмийн театр, Үндэсний урлагийн их театр, Улсын филармони, Улсын хүүхэлдэйн театр, Соёлын өвийн үндэсний төв, Монголын үндэсний музей, Дүрслэх урлагийн музей, Байгалийн түүхийн музей, Үлэг гүрвэлийн төв музей тэргүүтэй 25 байгууллага оролцож байна. Түүнчлэн иргэд, олон нийтэд өөрийн байгууллагыг сурталчилсан урлагийн тоглолт, танилцуулга хийж мөн тоглолт, үзвэр үзэх эрх, уншигчийн үнэмлэх нээх, музей үзэх эрх олгож байна.
