Элчин сайд Р.Болд Та Туркт Монголын сайдын тамгыг хулгайлсан хэрэг гарсныг мэдсэн үү!

Монгол Төрийн нэгэн яамны сайд “Засгийн газрын нэрийн өмнөөс 720 сая еврогийн баталгааг нэгэн барилгын компанид гаргаад өгчихсөн”-өө өөрөө ч мэдээгүй хохирогч болоод явж байна. Сайдын гарын үсэг, тамгыг хулгайлсан байна, Засгийн газар аа! Туркээс Засгийн газрыг луйвардахаар завджээ, Элчин сайд Р.Болд оо!

Одоогоос сар орчмын өмнө цахим хуудаснаа дараах постыг жиргэсэн юм. Эрхэм сайд гурав хоног цахим хуудаснаа хадагдсан энэ мэдээг үзэх завгүй байсныг хүндэтгэнэ. Харин “Үүнээс ноцтой мэдээ байсан бол яана аа” гэж бодоод өнгөрч билээ. Ямартай ч ЗГХЭГ-ын даргад тоогдоогүй боловч өөрт ноцтой санагдсан тэр мэдээллийг олон нийтэд дэлгэе. 

БХБ-ын сайдын 2018 оны арванхоёрдугаар сарын 6-ны өдрийн “Эрх бүхий баталгаа” гаргах тухай 418 тоот тушаал энд байна. Үүнд “2018 оны тавдугаар сарын 5-ны өдрийн №2018080303 дугаартай Чингэлтэй дүүрэг болон Монголын Үндэсний хүмүүнлэгийн хороо ба “Ган Инвест” ХХК-тай байгуулсан санамж бичиг, 2018 оны тавдугаар сарын 5-ны өдрийн №2018050312 дугаартай Баянгол дүүрэг болон Монголын Үндэсний хүмүүнлэгийн хороо ба “Ган Инвест” ХХК-тай байгуулсан санамж бичиг гэсэн хоёр санамж бичгийг үндэслээд Монгол Улсын Засгийн газрын нэрийн өмнөөс Барилга, хот байгуулалтын яам нь энэхүү баталгааг цуцлагдах болон 3 дахь биед дамжигдах нөхцөлгүйгээр доорх гарын үсгээр баталгаажуулж байна. 


Энэхүү эрх бүхий баталгаа бичгээр Монголын үндэсний хүмүүнлэгийн хорооноос санаачилсан төсөл хөтөлбөрийн хүрээнд, гэрээнд заасан үүргийн дагуу “Ган Инвест” компани нь төлбөрийг бүрэн барагдуулахыг батлан дааж байна. Буцах төлбөр тооцоо нь ямар нэгэн татвар суутгалаас чөлөөлөгдөнө. Буцаан төлөлтийг улс төрийн болон төр, захиргааны байгууллагаас болж саатуулагдахгүй байхыг батлан дааж байна” гэсэн байгаа юм. 

Бүрэн эхээс бусад заалтыг харна уу. Яг л зохион бичлэг шиг мөрөөдлөө бичсэн байтал үүнийг баталгаажуулаад Х.Баделхан сайдын гарын үсэг дурайж байна.Тэдэнд юуны өмнө сайдын гарын үсэг, тамга, улс төрийн нөхцөл байдлаас болоод өөрчлөгдөхгүй байх, ямар ч татвар суутгал төлөхгүй байх хүслээ энэ бичигт багтаасан байгаа юм. 

Үүнийг Турк дэх ЭСЯ, Элчин сайд Р.Болд мэдсэн байх учиртай. Мэдээгүй бол бүр ч буруутна. Энэ бичгийг олж аваад хамгийн түрүүнд БХБ-ын сайдын туслахад хандсан. “Сайдын чинь гарын үсэг энэ мөн үү. Танаар энэ бичиг дамжсан уу” гэж асуулаа. Ёстой мэл гайхаж “Сайдын гарын үсгийн дардас мөн. Хоёр дардастай. Энэ арай богино зурагдсан дардас байна” гэв. Азаар хуульч залуу байдаг болоод ч тэрхүү гярхай ажиглаж “Тамган дээр гарын үсэг зурсан байна, гарын үсэг дээр тамга байх ёстой. Мөн сайдын тушаал англи хэл дээр орчуулагдсан тохиолдолд тамга дардаггүй, хавсралтаар илгээдэг” гэв. Тус яаманд ажиллаж байсан, таньдагийн хувьд нууцлахыг сануулаад Х.Баделхан сайдад хэллээ. Тэрбээр Туркээс энэ тухай сонсоод хуулийн байгууллагаар шалгуулахаар өглөө гэсэн юм. Хааяа асуухаар шалгаж байгаа л гэдэг. Туслах болон зарим албан хаагчдаас ч тайлбар авсан гэж сонссон. Харин өнөөдрийг хүртэл таг чиг. 

Миний олж мэдсэнээр тухайн үед буюу 2018 оны арванхоёрдугаар сарын 06-ны орчимд гурван дараалсан албан баланк “алга болсон” ажээ. Бичиг хэргийн ажилтан эмэгтэй л буруутгагдаад байгаа бололтой. Гэвч “хулгайд алдсан” тухайгаа хуулийн байгууллагад мэдүүлсэн биз. Гараар үйлдэгдсэн зүйл гэвэл 418 гэж дугаарлагдсан байгааг нь өдөр тутамд ийм албан бичигтэй харилцсаар ирсэн тус яамны Хуулийн хэлтсийнхэн төвөггүйхэн таньсан бөгөөд үүнийгээ зохих байгууллагад мөн хэлсэн байх. 

Ингээд юу ч мэдэлгүйгээр Засгийн газар, түүнийг төлөөлж Барилга, хот байгуулалтын сайд 720 сая еврогийн баталгааг хэн ч мэдэхгүй шахам компанид гаргаад өгчих нь тэр. Бүр дараагийн Засгийн газарт шилжүүлэхгүйгээр, сохор зоосны татваргүйгээр шүү! Ийм амархан гэж үү! Засгийн газар, ялангуяа Монгол Улсаас Турк улсад суугаа, тэр тусмаа Тагнуулын ерөнхий газрын даргаар ажиллаж байсан Р.Болд яагаад чимээгүй байна вэ? 

Одоо “Ган инвест” компани гэж хэн бэ гэдгийг харъя. Улсын бүртгэлд “Ган инвест” бус “Ган инвест трейд” ХХК.РД: 6320708 компани бүх мэдээлэлтэйгээ бий. Дахиад ухтал "Ган-Инвест" РД: 2547619 компани 2008 онд татан буугджээ. Тэгэхээр шамдан шалгавал эзэн нь ойрхон баймаар харагдана.

Монголын Засгийн газрын нэрийн өмнөөс, Төрийн яамны сайдын тамга, тэмдгийг хуурамчаар үйлдсэн, түүнд нь тусалсан, яамны албан баланкийг хулгайлж өгсөн гэх зэрэг олон ноцтой гэмт хэрэг эндээс харагдаж байна. Яаралтай шалгаж, олон нийтэд үнэн зөв мэдээлэл өгөх шаардлагатай болов уу. 

Монгол Улсаас Онцгой эрх мэдэл, ямба эдлүүлж бусад улс оронд томилсон Элчин сайд нь, тэр тусмаа Тагнуулын дарга асан Р.Болд энэ талаар идэвхтэй ажиллана гэж найдаж байна! 

Дахин хэлье, Сайдын гарын үсэг, тамгыг хулгайлсан байна, Засгийн газар аа! Туркээс Засгийн газрыг луйвардахаар завджээ, Элчин сайд Р.Болд оо! Яаралтай таслан зогсоох үүргээ биелүүлнэ үү! 

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (13)

  1. энэ зэргийн юм ч Яршиг байна дөө манай Төрийн Албан тушаалтан Дипломат Албаныханд энэнээс дор юмтай бишгүй л Холбогдоод байхад МУ-ын ЗГ Тагнуул Цагдаа ГХЯ одоо болтол таг чиг юу ч болоогүй юм шиг нам жим байгаа шүү дээ Ингээд харахаар МУ-ын Төр засаг чигээрээ Гэмт хэргийн сүлжээ болчихсон гэхэд хилсдэхгүй л болсон байна шүү дээ Гайхаад байх юм ердөө байхгүй бүх зүйл Иргэд олон нийтийн нүдэн дээр ил болоод өрнөөд байгаа биз дээ

    0 0 Хариу бичих
  2. Buruu zamaar budaa teevel butsahdaa shoroo teediishdee haha

    0 0 Хариу бичих
  3. Муу ёр шүгэлчихсэн адгийн амьтад байна шдээ. Тэр элчин сайдын яамыг нь татан буулгаад хаамаар юм. Эндэх элчингийн хөөгөөд гаргах хэрэгтэй шд. Даварцан гарууд вэ. Хар тамхи, хүний наймаа, луйвар, хүчирхийлэл нэвт шингэчихсэн сэжгийн харилцаа болчихож. Дипломат сэтэртэй авлига, котрабандын уурхай болсон шаарнуудыг зайлуулах хэрэгтэй. Тэр хар тамхийг нь элчингийн гатнуулын ажилтан нь зөөж явсан юм байна лээшдээ. Мафижцан цааван улсууд вэ. Улсын нэрийг уландаа гишгэж байна даа. Сая Сумьяа сайдыг Германд очиход нь бүрэн нэгжлэг хийсэн гэсэн. Би сайд, гишүүн гээд гонгиноод амруугаа алгадуулсын бишүү. Бүгдийг нь байнга шалгаж байх хэрэгтэй. Тэр элчин Болдынх нь данс, гэр бүл үр хүүхэд, эхгэрийн хамаатных нь дансууд, хувийн хэрэглээ, гэр бүлийнхнийх нь хэрэглээг шалгаад үзэх хэрэгтэй. Монголчуудыгаа дэндүү басамжилж доромжилж байна даа та нар

    0 0 Хариу бичих
  4. Дахиад л луйвар энэ Мангарууд чэнэ улс орныг шууд хөмрөхөөр шулууджээ .60тэрбум босгож өгсөн хүмүүс мөнгөө авах гэж дайн болж байгаа юм биш үү..

    0 0 Хариу бичих
  5. Muu neriig n gadnii orond uguudd yhu zasgiin gazariin haruitslaggui ajil erunhii said nuugaad bgamuu ard irgeded duulga tanii udirdan zohoin baiguulah ajil

    0 0 Хариу бичих
  6. Ийм ямар ч үндэслэлгүй ойлгомжгүй зүйлс бичиж хүний нэр хүндэд халдаж явахаа болимоор юм.хүмүүсийн анхаарал татаж л байвал юу ч байсан хамаагүй болжээ.ёс зүй гэж юм үнэндээ алга

    0 0 Хариу бичих
  7. Тлeухан гэж хэлтсийн даргатай. Яг л ийм юмыг тэр нөхөр хийнэ. Хуулийхан шалгах хэрэгтэй. Ямарч боловсролгүй тэр нөхрөөс ийм л гарна ...

    0 0 Хариу бичих
  8. Юу болоод бна вэ Сахилга хариуцлага гэж бна уу Мэдрэл муудсан юм шиг бичдэг боллоо

    2 0 Хариу бичих
  9. Tureguudees odoo zalhaj bnshuu ain..

    1 0 Хариу бичих
  10. Ер нь турк монголын харилцаа эрүүл, зөв, 2 биенээ харилцан хүндэлсэн түвшинд байхгүй байна. Хар , хүн хулгайлсан, хүн алсан, албан бланк хулгайлсан, Туркын айрланс-ыг монголд шахсан, Турк сургуулийг авхыг санаархсан гэх мэт дандаа л сөрөг муухай түвшинд байна.

    6 0 Хариу бичих
  11. Энэ туркууд бүтэх улс биш дэгээ. Төрийн эргэлт, эрүүдэн шүүлт, хүчирхийлэл, хар тамхи, хүний хулгай юу юу сонсчивдоо. Энд байсан хэдэн турк сургууль нь герман болсон гэсэн ашгүй. Тэр хэдэн багш нарыг нь хулгайлж бариад эд нар чинь хүний нутагт бие биенээ дээрэлхсэн хүний үнэргүй улс шив. Тэндэх дипломат албанаас их л юм гарах шинжтэй. Бараг хаачуул яасын. Усыг нь уухад ингэж нөлөөлдөг юм уу хайшаан.

    6 0 Хариу бичих
    • 8000 Mongol xvn Turk ulsad ajilaj xudulmurluj bn Diplomat xariitsaag taslabal yaax be aan !??

      0 0
    • manaih diplomat hariltsaagaa tasalsan ch hohirch suid boloh zuil barag baihgui dee. heden turk surguuli n germanii irgen nertei heden turk avaad heveeree baigaa.

      0 1