Дипломатууд нэр холбогдсон хар тамхины асуудлаар Д.Цогтбаатар сайдаас мэдээлэл сонсоно

УИХ-ын даргын дэргэдэх зөвлөлөөс гаргасан хуваарийн дагуу өнөөдөр гурван Байнгын хороо болон чуулганы нэгдсэн хуралдаантай. Маргаашаас Үндсэн хуульд нэмэлт, өөрчлөлт оруулах тухай хуулийн төслийг хэлэлцэж эхлэхээр төлөвлөсөн учраас ийнхүү өнөөдөр чуулганыг ээлжит бусаар хуралдуулахаар болсон юм. Мөн Мэргэжлийн нэгдсэн холбооны эрх зүйн байдлын тухай хуулийн төслийн хууль тогтоомжийн төслийн талаар сонсгол зохион байгуулахаар болжээ.

1.Төсвийн байнгын хорооны хуралдаан 09.00 цагаас “Их Эзэн Чингис хаан” танхимд:
-Биологийн олон янз байдлыг хамгаалах, уур амьсгалын өөрчлөлтөд дасан зохицох нь-II төслийн Монгол Улсын Засгийн газар, ХБНГУ-ын Засгийн газар хоорондын Санхүүгийн хамтын ажиллагааны хэлэлцээрийг соёрхон батлах тухай хуулийн төсөлтэй хамт өргөн мэдүүлсэн Онцгой албан татвараас чөлөөлөх тухай хуулийн төсөл /Засгийн газар -2018.10.17-нд өргөн мэдүүлсэн, хэлэлцэх эсэх/;
-Үндэсний аудитын газрын 2018 оны үйл ажиллагааны тайлан.
2.Аюулгүй байдал, гадаад бодлогын байнгын хорооны хуралдаан 10.00 цагаас “Г” танхимд:
-“Эрдэнэт" үйлдвэр ХХК-ийн үйл ажиллагааны тухай Монгол Улсын болон ОХУ-ын Засгийн газар хооронд байгуулсан хэлэлцээрийг соёрхон батлах тухай хуулийг хүчингүй болсонд тооцох тухай хуулийн төсөл болон хамт өргөн мэдүүлсэн протокол соёрхон батлах тухай хуулийг хүчингүй болсонд тооцох тухай хуулийн төсөл /Засгийн газар 2019.05.03-нд өргөн мэдүүлсэн, анхны хэлэлцүүлэг/;
-Хэлэлцээр соёрхон батлах тухай хуулийг хүчингүй болсонд тооцох тухай хуулийн төсөл болон хамт өргөн мэдүүлсэн протокол соёрхон батлах тухай хуулийг хүчингүй болсонд тооцох тухай хуулийн төсөл /Засгийн газар 2019.05.03-нд өргөн мэдүүлсэн, анхны хэлэлцүүлэг/;
-Гэмт этгээд шилжүүлэх тухай Монгол Улс болон Бүгд найрамдах социалист Вьетнам улс хоорондын гэрээний төсөл /Засгийн газар 2019.05.29-нд ирүүлсэн, зөвшилцөх/;
-Ажлын хэсэг байгуулах тухай /Тэсэрч дэлбэрэх бодис, тэсэлгээний хэрэгслийн эргэлтэд хяналт тавих тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд/;
-1992 оны Үндсэн хууль дагаж мөрдөгдөж эхэлснээс хойших хугацаанд Монгол Улсын Дипломат төлөөлөгчийн газрууд, тэдгээрийн ажилтнууд нэр холбогдсон хар тамхи болон бусад хэрэг зөрчлийн талаар Гадаад харилцааны сайдын мэдээлэл сонсох.
3.Эдийн засгийн байнгын хорооны хуралдаан 11.00 цагаас “Жанжин Д.Сүхбаатар” танхимд:
-Санхүүгийн зохицуулах хорооны 2018 оны үйл ажиллагааны тайланг сонсох;
-Монголбанкны 2018 оны үйл ажиллагааны тайлан болон Төрөөс мөнгөний бодлогын талаар 2018 онд баримтлах үндсэн чиглэлийн биелэлтийг сонсох;
-Бусад.
15 цагаас ЧУУЛГАНЫ НЭГДСЭН ХУРАЛДААН
 НЭЭЛТТЭЙ СОНСГОЛ
Мэргэжлийн нэгдсэн холбооны эрх зүйн байдлын тухай хуулийн төслийн хууль тогтоомжийн төслийн сонсгол 09.00 цагт “Жанжин Д.Сүхбаатар”-ын танхимд болно.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)