Шүтэн бишрэгчдийнх нь дунд Брэдли Куперыг найз бүсгүйгээ хаясан гэсэн ойлголт байгаа. Тэгвэл үнэн хэрэгтээ өөр зүйл болсныг Ирина Шейкийн дотны найз болох нэгэн бүсгүй хэвлэлд ярьсан байна.

Түүний хэлснээр бол, Ирина Шейк анх танилцаж байхдаа Б.Куперт маш их найдлага тавьж байсан аж. Хамтдаа үр хүүхдээ өсгөж, өнөр өтгөн гэр бүл зохионо гэж мөрөөдөж байжээ. Харин хамт амьдраад эхэлсний дараа мөрөөдөл нь бүтэхгүй тийшээ юм байна гэдгийг мэдсэн гэнэ. Гэсэн ч хүүхэдтэй болчихвол байдал өөрчлөгдөх байх хэмээн нэг хэсэг харжээ. Харамсалтай нь хүүхэд төрсөн ч байдал өөрчлөгдсөнгүй. Нэг, нэгнээ бага багаар таньж мэдсээр хоорондоо маш ялгаатай хүмүүс болохоо ухаарсан гэх ажээ. Тиймээс Б.Куперыг тэр нэг кинонд тоглосон тоглоогүй салах нь цаг хугацааны л асуудал болсон байсан гэнэ. Уг нь И.Шейк дахиад жаахан тэсэж, кино төсөл дуусаж, Б.Купер гэртээ цаг өнгөрүүлэх боломж гаргахыг нь хүлээсэн юм байна. Гэсэн ч байдал өөрчлөгдөөгүй тул харилцаагаа дуусгахаас өөр сонголт үлдээгүй аж.