ШХАБ-ын хуралд 11 улсын төрийн тэргүүн очно

ШХАБ-ын Гадаад хэргийн сайд нарын уулзалт. Бишкек, 2019.V.22

Энэ сарын 13, 14-нд Киргизстаны Бишкект болох ШХАБ-ын дээд хэмжээний уулзалтад 11 орны төр засгийн тэргүүн оролцохоор болжээ.Гишүүн ОХУ, Казахстан, БНХАУ, Тажикистан, Узбекистан, Энэтхэг, Пакистанаас гадна Афганистан, Беларусь, Иран, Монголын төрийн тэргүүн Бишкект очихоор болсон байна.

Киргизстаны Ерөнхийлөгчийн тамгын газрын ажилтан Данияр Садыков хэвлэлийн бага хурлын үеэр энэ талаар зарласан байна. ШХАБ-ын гишүүн орнуудын даргалагчийн үүргийг энэ жил Киргизстаны Ерөнхийлөгч С.Жеенбеков гүйцэтгэж байгаа бөгөөд дээд хэмжээний уулзалт ч Бишкект болж байгаа юм. Уулзалт болохтой холбоотойгоор Киргизстаны эрх баригчид энэ сарын 1-нээс 20-ны хооронд Горькийн нэрэмжит талбайгаас бусад газарт ямар нэг жагсаал цуглаан хийхийг хоригложээ.

ШХАБ-ын дээд хэмжээний уулзалт уг нь энэ сарын 14-15-нд төлөвлөгдсөн байсан ч тодорхой шалтгааны улмаас товоо наашлуулж, 13, 14-нд болгоод байгаа юм.   

 

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)

Жиргээ