Норвегийн хаан V Харальдын охин Марта Луиза бөө, домч Шаман Дуректэй хайр сэтгэлийн холбоотой гэдгээ албан ёсоор зарлажээ.Гурван жилийн өмнө гэрлэлтээ цуцлуулсан Марта Луиза охидоо ганцаар өсгөж буй. Салалтын дараа гүнж хямралд автаж, ажлаа орхин сэтгэл зүйчийн эмчилгээнд хамрагдаж явахдаа Шаман Дуректэй танилцаж дотноссон байна.Тэдний дунд зөвхөн хайр сэтгэлийн холбоо үүсээд зогсохгүй хамтдаа шинэ төсөл эхлүүлж, Скандинавын орнуудаар зочлон сэтгэл заслын лекц унших төлөвлөгөөтэй байгаа гэнэ.

Хувийн амьдралынх нь талаар шүүмжилж эхэлсэн олон нийтэд хандан Марта Луиза "Шаман миний амьдралыг өөрчилсөн.Энэ ертөнцөд жинхэнэ хайр сэтгэл оршин байдгийг тэр л надад ойлгуулж чадсан.Миний сонголтыг бүү шүүгээрэй.Би хайр сэтгэлийг сонгосон" хэмээн мэдэгджээ. Охиныхоо талаарх мэдээлэлд хаан эцэг нь ямар байр суурьтай байгаа нь одоогоор тодорхойгүй байна.

Шаман Дурек нь африк гаралтай домч, сэтгэл судлаач бөгөөд Холливуудын оддын дунд ихээхэн алдартай нэгэн ажээ.Тэрээр жүжигчин Гвинет Пэлтроугийн хувийн домчоор ажилладаг байна.