Арабын нэгдсэн Эмират улсын Фужейра мужийн боомтод зогсож байсан газрын тос тээвэрлэгч хөлөг онгоцууд дээр дэлбэрэлт болж, их хэмжээний хохирол учирсан хэрэг өнөөдөр гарчээ. Дэлбэрэлт болсон даруйд АНУ-ын шинжээчид Фужейрад очсон бөгөөд эхний байдлаар хорлон сүйтгэх ажиллагаа байж магадгүй гэж дүгнэсэн талаар олон улсын хэвлэлүүд мэдээлж байна.
АНУ-ын баталгаатай эх сурвалжийн мэдээлснээр, хөлгийн биед 1.5-3 метрийн голцтой нүхнүүд үүссэн байсан бөгөөд үүнийг тэсрэх бөмбөг байрлуулсны шинж гэж үзэж байгаа юм байна. АНЭ-ын хүсэлтийн дагуу АНУ-ын шинжээчид хэргийн газар очоод ажиллаж байгаа аж. Энэ удаагийн осол өмнө нь “Хорлон сүйтгэх ажиллагаа” гэсэн дүгнэлт гаргасан гурван тохиолдолтой маш ижил байгааг эх сурвалж онцолжээ.
Өмнө нь, Саудын Арабын хоёр танкер, АНЭ-ын Шаржа мужийн далбаатай хөлөг онгоц дэлбэрч байсан бөгөөд өнөөдрийн дэлбэрэлттэй ижил ул мөр үлдсэн байжээ.
