Ирэх сараас нийслэлийн төр, захиргааны байгууллагын ажил 08.00 цагт эхэлнэ

Нийслэлийн Засаг даргын зөвлөлийн өнөөдрийн хурлаар Нийслэлийн төр, захиргааны байгууллагуудын ажлын цагийн хуваарьт зохицуулалт хийх захирамжийг баталлаа.

Захирамжид “Дулааны улирал эхэлж, өдөр уртсаж байгаатай холбогдуулан байгалийн гэрэл ашиглаж эрчим хүчийг хэмнэх, ажлын бүтээмжийг нэмэгдүүлэх, ажил хэрэгч соёлыг төлөвшүүлэх, авто замын ачааллыг зохицуулах зорилгоор нийслэлийн төр, захиргааны байгууллагын ажил эхлэх цагийг жил бүрийн зургадугаар сарын 01-ний өдрөөс наймдугаар сарын 31-ний хооронд 08.00 цагт, бусад хугацаанд ажил эхлэх цагийг 09.00 байхаар тогтоосугай” гэжээ. Тус  захирамжийн хэрэгжилтийг зохион байгуулж, биелэлтэд нь хяналт тавьж ажиллахыг нийслэлийн Засаг даргын Тамгын газрын дарга М.Отгонбаярт даалгасан.

Бүтээн байгуулалтын улирал эхэлсэнтэй холбогдуулан нийслэлийн төр, захиргааны байгууллагаар үйлчлүүлж, даргын зөвшөөрөл авах, тамга даруулах, гарын үсэг зуруулах гэх мэт бичиг цаасны ажлаа эрт амжуулах шаардлага иргэд, аж ахуй нэгжүүдийн өмнө байнга тулгамддаг тул тэдний ажлыг хөнгөвчлөх, бүтээмжийг нь нэмэгдүүлэх зорилгоор уг захирамжийг баталж байгаа юм. Мөн үүнээс гадна нийслэлийн төр, захиргааны байгууллагын албан хаагчдын зуны ээлжийн амралтыг зөв зүйтэй зохицуулж, амарсан нэгнийхээ оронд ажил үүргийг нь хэн нэгэн хариуцаж гүйцэтгэдэг, төрийн ажлыг цалгардуулахгүй байхаар нарийн тооцоолдог болохыг  Хотын захирагч холбогдох удирдлагуудад анхааруулсан юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. Дүүргийн эмнэлэгт оочирлож, оочирлож үзүүлэх гэхээр дотрын эмч амарсан байгаа, эхоны эмч байхгүй гэх юм. Бүхэл бүтэн дүүргийн хэмжээний олон мянган иргэнийг үздэг газар 1 эмчээ амрахад нь орлох хүн байдаггүй нь үнэхээр гомдмоор. Тэнд үзүүлэх гэж очсон олон өвчтэй, зовлонтой хүн тэр эмчийн амралтын 21 хоногийг давхар хүлээж чадах уу? Жирэмсний хяналт бол үнэхээр инээдтэй. Зовиур байна уу гэж асуугаал байхгүй гэвэл гарын үсгээ зураад өгчихнө. Үзэж харах ч юм байхгүй. Зүгээр л тэр цаасыг бөглөх ёстой гэсэн шиг. Эмнэлгүүд бол арай л байна. Дүүргийн эмнэлэгт бол хүний төлөө гэх эмч алга. Аль болох өөрөөсөө холдуулж манайх энийг үзэхгүй, энэ байхгүй гэсэн хүмүүс

    0 0 Хариу бичих