22 настай бүсгүй 13 давхраас унаж амиа алджээ

Нийслэлийн Баянзүрх дүүрэгт байрладаг орон сууцны 13 давхраас дөрөвдүгээр сарын 9-нөөс 10-ныг шилжих шөнө 22 настай Ц гэгч эмэгтэй унаж амиа алдсан харамсалтай хэрэг гарчээ. Эх сурвалжуудын мэдээлснээр, талийгаач Ц нь найз залуутайгаа тус орон сууцанд амьдардаг байжээ. Улмаар хэрэг гардаг өдөр найз залуутайгаа маргалдаж, хувийн таарамжгүй харилцааны улмаас цонхоор унаж амиа алдсан байж болзошгүй юм байна.

Дээрх хэргийг одоогоор тус дүүргийн цагдаагийн нэгдүгээр хэлтэс шалгаж байна. Шалгалтын явцад талийгаачийн найз залуу гэх 25 настай Б нь тухайн өдөр согтууруулах ундааны зүйл хэрэглэсэн байсан нь урьдчилсан байдлаар тогтоогджээ. Харин талийгаачийн ар гэрийнхний зүгээс түүнийг амиа хорлох хэмжээний сэтгэл зүйтэй хүн байгаагүй гэсэн байр суурийг илэрхийлж хэргийг үнэн зөвөөр шийдүүлэх хүсэлтэй байгаа аж.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)