Нью-Йоркт улаан бурхан өвчний улмаас онц байдал зарлажээ

АНУ-ын томоохон хот халдварт өвчинд нэрвэгдэн хотын эрх баригчид ваkцинжуулалтад хамрагдахыг оршин суугчиддаа уриалжээ.

АНУ-ын Нью-Йорк хотод улаан бурхан өвчний цар тахал дэгдэж эрх баригчдыг онц байдал зарлахад хүргэлээ гэж мэр Биллде Блазио ярьжээ. Өнөөгийн байдлаар Нью-Йоркийн нэг район улаан бурхны халдварт нэрвэгдээд байгаа аж. Хотын хэмжээнд энэ өвчний нийт 300 тохиолдлыг  бүртгэсэн байна. Нью-Йорк хотод хоёр жилийн өмнө улаан бурхны хоёр тохиолдол бүртгэгдэж байжээ. Одоо тус районд онц байдал зарласан бөгөөд урьдчилан сэргийлэх тарилгад хамрагдаагүй иргэд нэн ялангуяа хүүхдүүдийг вакцинжуулалтад хамрагдахыг эрх баригчид сануулсан байна.

Вакцинжуулалтад хамрагдахаас татгалзвал 1000 хүртэл доллараар торгох аж. Өнгөрсөн оны намраас хотын 285 иргэн уг өвчнөөр өвчилсөн ба тэдний 21 нь эмнэлэгт хэвтэн эмчлүүлжээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. Район гшш монгол үг олдоогүй л юм байхдаа

    0 0 Хариу бичих