Гашуунсухайт жолооч нарын ганц зовлон боллоо

Гашуунсухайт гэхээр айдас хүйдэс мэдрэгддэг болжээ. “Гашуунсухайтын зам дээр тээвэр хийж явсан жолооч машинтайгаа шатжээ”, “Нүүрс тээвэрлэж явсан жолооч амь насаа алджээ”, “Гашуунсухайтын зам дээр авто осол болжээ” гэх мэт мэдээлэл ойр ойрхон сонсогддог болсноос л тэр байх. Өмнөговь аймагт гарч буй авто ослын 60 хувь нь Гашуунсухайт авто зам дээр болдог байна. Гашуунсухайтын 239 км авто замд 13 мянган жолооч нүүрс тээвэрлэдэг. Тухайн зам дээр 2017 онд зам тээврийн ослын улмаас 27 хүн гэмтэж, 12 хүн нас барсан бол өнгөрсөн онд 56 хүн гэмтэж таван хүн нас баржээ. Тэгвэл энэ он гарсаар гурван хүн нас барсан гэсэн харамсалтай мэдээлэл бий.

60 тоннын даацтай тус замаар 100 тонн нүүрс тээвэрлэсэн машинууд тасралтгүй цувардаг. Заримдаа хилийн нэвтрэх чадвараас хамаарч хэдэн сараар ч хамаагүй дараалал үүсэж,  машиндаа хооллож, машиндаа унтаж, зам дээр амьдардаг. Тэнд жолооч нар жинхэнэ хээрээр гэр хийж, хэцээр дэр хийдэг юм. Үүний цаана жолооч нарын эрүүл мэндийн асуудал яригдах ч, цаана нь гэр бүлийн тогтвортой байдал бас бий. Энэ мэт нүүрс тээвэрлэдэг жолооч нартай холбоотой эмзэг асуудал дуусахгүй. Үүний гарцыг уг нь манай  үе үеийн Засгийн газар олж харж, олон жил ярьж байгаа нь Тавантолгой, Гашуунсухайт чиглэлийн төмөр зам юм. Гашуунсухайтын төмөр зам 2012 онд ашиглалтад орох ёстой байв. Анх замын ажил эхлэхэд 280 сая ам.доллар зарцуулсан ч 2015 оноос хойш санхүүжилтгүй гэх шалтгаанаар өнөөдөр болтол гацсаар байгаа. Энэхүү төсөл амжилттай хэрэгжсэнээр байнгын 1200 орчим ажлын байр бий болно. Улсад жилд 10-20 сая ам.долларын татвар төлөхөөс гадна 25 жилийн хугацаанд ойролцоогоор тэрбум ам.долларын ногдол ашиг Засгийн газарт өгч Монголын эдийн засгийн хүндрэлтэй байдлыг даван туулахад тодорхой хувь нэмэр оруулна. Тавантолгойн бүлэг ордуудын олборлолтын хэмжээ нэмэгдэх, авто тээврийн осол багасах, бэлчээр сүйтгэх, тоосжилт, дуу чимээ, хөрсний эвдрэл үгүй болохоос гадна тээвэрлэлтийн зардалд эерэг нөлөөтэй гэж нийгэм, эдийн засгийг нь үнэлгээг нь гаргасан байдаг. Үүнээс гадна хэрэв төмөр зам анх товлосон хугацаандаа ашиглалтад орсон бол жилд тонн нүүрсийг дунджаар 100 ам.доллараар худалдаалж, өнгөрсөн хугацаанд 10 тэрбум ам.долларын ашиг олох байсныг “Ил уурхайн оновчлол”-оор гаргажээ. Гэвч энэ бүхэн болоогүй.

Төмөр зам хоёрт эрэмбэлэгдэж, 2020 он руу хойшлов

Гэтэл Тавантолгойн төмөр зам дахиад хойшилж буй мэдээлэл гарлаа. Энэ сарын 8 буюу даваа гаригт Ерөнхий сайд У.Хүрэлсүх нүүрс тээвэрлэлттэй холбоотой асуудлаар холбогдох сайд, агентлагийн дарга, аймаг, сумын Засаг дарга, банкны удирдлага, “Эрдэнэс Монгол”, “Эрдэнэс Тавантолгой”, “Энержи Ресурс” зэрэг компанийн захирал болон төрийн бус байгууллагын төлөөлөлтэй уулзсан. Ингэхдээ жолооч нарын нийгмийн асуудлыг шийднэ. Тавантолгойн уурхайгаас Гашуунсухайт боомт чиглэлийн замын дагуу 10-15 км тутамд 5-10 хүнд даацын тээврийн хэрэгсэл түр зогсох талбайтай, шаардлага хангасан бие засах газар, хогийн цэг бүхий зогсоолыг наймдугаар сарын 1-ний дотор байгуулна. Тавантолгойн уурхайгаас Гашуунсухайт чиглэлийн зам дагуу эмнэлгийн яаралтай түргэн тусламж үзүүлэх суурин болон явуулын баг ажиллуулах, шаардагдах зардлыг хоёрдугаар улиралд багтаан шийднэ гэх мэтийг онцгой анхааруулсан ярьсан. Тэгвэл тэрнээс нэг өдрийн дараа буюу энэ сарын 9-нд Эдийн засгийн байнгын хороо хуралдаж, Төмөр замын талаар төрөөс баримтлах бодлогын талаар хэлэлцсэн юм. Энд Тавантолгой-Цагаансуварга-Зүүнбаян чиглэлийн төмөр замыг энэ онд барих бол Тавантолгой-Гашуунсухайтын төмөр замыг 2020 онд барихаар тусгасан байна. Энэ талаар Засгийн газрын ч холбогдох шийдвэр гарлаа. УИХ-ын гишүүн Ж.Бат-Эрдэнэ “Яагаад Тавантолгой-Зүүнбаян төмөр зам нэгд баригдахаар болов оо. Тавантолгой-Гашуунсухайтын төмөр замаа бид чинь нэгдүгээрт тавих ёстой биш билүү. Төмөр замаа тавиад 50-аад сая тонн нүүрс гаргана гэсэн зорилт тавьсан биш билүү. Дээрээс нь энэ Тавантолгой-Гашуунсухайтын чиглэлийн авто зам дээр өчнөөн олон аваар осол гарч байна. Өчнөөн олон гэмтэж байна, осолдож байна. Энэ замаа нэн яаралтай бариад, хөрөнгө оруулалтаа тийшээ оруулаад хуучин бариад орхисон тэр далангаа үргэлжлүүлээд, хөрөнгө оруулагчдаа олоод энэ төмөр замаа баримаар байна” гэсэн юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (10)

  1. тогтолцоо өөрчилөхгүй энэ чигээрээ яваад байвал улам дордоно нэг хэсэг нь боолын хөдөлмөрөөс салахгүй

    0 0 Хариу бичих
  2. ex oronch tsarailsan Battulgiin gai yavj baigaa yum 10jiliin umnu bariulsan bol odoo tur butsaagaad avax tsag ni bolloo shuu dee

    0 0 Хариу бичих
  3. Эрүүл ухаантай хүмүүс ийм шийдвэр гаргах уу? Тэгвэл Сумьяабазарын ярьдаг Таван толгойн хувьцааг гадаадад гаргах будаа болоо юу? Тэнэг монгол вэ гэж хэлээд биржүүд хөөгөөд гаргана даа, Сумьяаг.

    0 0 Хариу бичих
  4. Үндсэн хуулиндаа параламентаа 2 танхимтай болгох өөрчлөлт оруулахгүй бол олигархууд төрөөр тоглоод дууслаа төрд ард түмний хяналт хэрэгтэй

    0 0 Хариу бичих
    • Санал нэг байна. Өөрсддөө зориулсан хууль батлаад өөрсдөө бүлэглэн хулгайлаад өөрсддөө халдашгүй дархан эрх тогтоогоод байна. Ийм уйваагүй дүүрчихсэн улс гэж байх уу. МАН ч нам хуурч байна даа.

      0 0
  5. HURELSUKIIN HOOSON SHOUDAH N HEREES HETERLEE neg l ih hun zagnasal Zandavsan hun eeriigee hen gj bodoo we bie daasan aj ahiin negjuudiin dotood ajild hendlengees oroltsoh n dendj bna Bank zeel olgoh eseh aj ahiin negjuud Sanhuugiin neets herengee herhen zartsuulahiig Hurelsukh shiiddeg boloh geed bgaa m uu Niigmiin Har masst handsan niigmiin setgehuid heleeleh gesen pair chin dendj bna shuu Bagsh nariin 7 r ih hurliin dalbaan dor songuuliin surtalchilgaagaa ehelsen bna sh de

    0 0 Хариу бичих
  6. Шийдвэр гаргах эрх бүхий хүмүүсийн тэрэг байдаг болохоор төмөр зам тавих сонирхол байхгүй МАНАЙ ТОМ ДАРГА УИХ НГИШҮҮДИИН мөнгө нь өс ч баивал төмөр зам ард түмэн амь нас хамаагүй. Ганцхан мөнгөө арвижуулах талд шид гаргаж ард иргэдээ боол болгох арга барилаа хадгалж төмөр зам барихииг хойшлуулж баина.иим тэнэгэр хүмүүс Монголоор минь тоглож баина даа.УХААРААЧ АРДУУД АА.СОНГУУЛЬ УДАХГҮЙ БОД СЭТГЭ ШИИД.зөв хүндээ нам харгалзахгүй санал өгье. ...........

    0 0 Хариу бичих
  7. Oo Hurelsuhiin ajil ni onoo avah tulguur ni tsaasan buteen baiguulalt,aman shinechlel ,tuuniigee sur duulaintaigaa odor tutamiin sonin, televiz geed er yu l baina tuugeer tsatsaj shoudah yum aa.Uugeeree shinechilj baina,buteen baiguulj baina gej niigmiin har masst oilguuldag baiv.Odoo ch ingej oilgodog.Unen heregtee yazguuraar ni shinechilsen yum baihgui l dee.Onoo muuchlaad baidag 60 terbumiinhaa hucheer erh medeld burch byaniig buruu zovgui l edelj baigaa hereg. Ter ni duusah dohood ireheer sursanaaraa bank deeremdeh ayand garah shig bolloo.Ehnii eeljind "Kapital" bankiig onilon songov oo.Ingesneer naidvargui zeel gedeg mergen sanaa olj niigend JDU-chid geh shuugianiig ug undseer ni sohor ulaan mongo ch erguulj toluulehgui bolgov bololtoi. Hurelsuh nohdoo nutsgen ulaan tseejeeree hamgaalj or shirnees ni hamgaalj ooroo ch medeej belbenchintei bolchiv bololtoi .Iim l baina daa ard tumen mini ee

    0 0 Хариу бичих
    • Sain baina garts gargalgaag ch ovjin olj baina daa VRAVO Hurelsuh Bayarhurgie ee.OOr yaahav

      0 0
    • Sain baina garts gargalgaag ch ovjin olj baina daa VRAVO Hurelsuh Bayarhurgie ee.OOr yaahav

      0 0