БНСУ, Монгол Улсууд харилцан визгүй зорчих асуудлыг судлан шийдвэрлэхээр болов

Монгол Улсын Ерөнхий сайд У.Хүрэлсүхийн урилгаар БНСУ-ын Ерөнхий сайд Ли Наг Ён манай улсад албан ёсны айлчлал хийж байна.

  Ерөнхий сайд У.Хүрэлсүх хүндэт зочныг жанжин Д.Сүхбаатарын талбайд албан ёсоор угтан авлаа. Энэ үеэр хүндэт харуул жагсаж,  хоёр орны төрийн дуулал эгшиглэв.

Ерөнхий сайд  У.Хүрэлсүх, Ли Наг Ён нар их эзэн Чингис хааны хөшөөнд хүндэтгэл үзүүлж, “Хүндэт зочны дэвтэр”-т гарын зурсны дараа ганцаарчилсан уулзалт, албан ёсны хэлэлцээ хийв.

Хэлэлцээний үеэр БНСУ-ын 300 сая ам.долларын буцалтгүй тусламжаар нэр бүхий 10 аймагт дулааны цахилгаан станц барих төсөл, 500 сая ам.долларын хөнгөлөлттэй зээлээр “Солонго-1”, “Солонго-2” орон сууцны хороолол барих төслийн хэрэгжилтийг эрчимжүүлэхээр тохиров.

Ирэх жил хоёр улсын хооронд дипломат харилцаа тогтоосны 30 жилийн ой тохионо. Энэ хүрээнд харилцаагаа Стратегийн түншлэлийн хэмжээнд хүргэн нэг шат ахиулж, алсдаа харилцан визгүй зорчих асуудлыг судлан шийдвэрлэхээр болов.

Мөн эмч нарыг  БНСУ-д мэргэжил дээшлүүлэх сургалтад түлхүү хамруулах, ирэх жил тохиох дипломат харилцаа тогтоосны 30 жилийн ой угтан соёл, урлаг, спортын уралдаан, тэмцээн зохион байгуулахаар болов.

Албан ёсны хэлэлцээний үеэр харилцан тохирсон олон асуудлыг энэ оны эхний хагаст болох Засгийн газар хоорондын комиссын IV хуралдаанаар нарийвчлан хэлэлцэнэ.

БНСУ-ын Ерөнхий сайд Ли Наг Ён айлчлалынхаа үеэр Монгол Улсын Ерөнхийлөгч Х.Баттулга, УИХ-ын дарга Г.Занданшатар нарт бараалхана. Мөн “UB smart card” төсөлтэй  танилцан, Монгол- Солонгосын найрамдлын цэцэрлэгт хүрээлэн, Ли Тэ Жүн эмчийн дурсгалын цэцэрлэгт хүрээлэнд зочлох юм гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (8)

  1. визгүй болчихвол солонгос дахь монголчуудын тоо нэмэгдэхгүй, харин ч багасна. хүмүүс харлаад, ирж чадахаа болиод гацахгүй, хүссэн үедээ очиж ажиллаад ирээд байна гэсэн үг. хэн ч тэнд очиж үлдэхийг хүсэхгүй, амьдарлаа дээшлүүлээд буцаад ирье гэж мөрөөдсөн л улсууд байгаа шүү дээ.

    2 0 Хариу бичих
    • ВИЗГҮЙ БОЛЧИХООР НЭГ ХОТООС НӨГӨӨ ХОТ РУУ ЯВЖ БАЙГАА ЮМ ШИГ ЯВНА ГЭЖ БОДОО ЮУ? ОЧИХООР ЧИНЬ АЖИЛД АВАХ БЭЛЭН АЖЛЫН БАЙР ХААНА БНА?, ОЧООД ОРОХ ОРОН ХААНА БНА? , ДУРТАЙ ҮЕДЭЭ ИРЖ БУЦААД БАЙДАГ ЗАРДАЛ ЧИНЬ ХААНА БНА?

      0 0
    • ВИЗГҮЙ БОЛЧИХООР НЭГ ХОТООС НӨГӨӨ ХОТ РУУ ЯВЖ БАЙГАА ЮМ ШИГ ЯВНА ГЭЖ БОДОО ЮУ? ОЧИХООР ЧИНЬ АЖИЛД АВАХ БЭЛЭН АЖЛЫН БАЙР ХААНА БНА?, ОЧООД ОРОХ ОРОН ХААНА БНА? , ДУРТАЙ ҮЕДЭЭ ИРЖ БУЦААД БАЙДАГ ЗАРДАЛ ЧИНЬ ХААНА БНА?

      0 0
  2. МОНГОЛД ХЭН ҮЛДЭХ ВЭ? БҮГД Л ХҮҮХДЭЭ СУРГАХ НЭРЭЭР ЯВНА.

    0 0 Хариу бичих
  3. Бүгдээрэн монголоос явцгаая

    0 0 Хариу бичих
  4. Алсдаа гэдэг чинь хэзээ ч үгүй гэсэн үг. Угнь харлахаа больчихвол маргааш ч байж магад.

    1 0 Хариу бичих
  5. АЛСДАА ГЭДЭГ АЛСЫН АЛСАД ГЭСЭН ҮГ ШҮҮ !!!

    0 0 Хариу бичих
  6. Визгүй зорчихоосоо өмнө БНСУ ын элчин сайдын яам тэр дундаа визны консулд монголчуудад виз олголтоо зөөлрүүлж визыг олгож зорчих эрхтйг хангаж байхаар зөвшилд хүрчихээсэй Бид бас өөрсдөө харлахгүй олон дахин явж байгаач дээ

    0 0 Хариу бичих